08:30 / 27.03.2021
1 205

Бўлажак куёв қасдини олмоқчи бўлиб, бегуноҳ фуқаронинг ҳам уйини ёқиб юборди

Бўлажак куёв қасдини олмоқчи бўлиб, бегуноҳ фуқаронинг ҳам уйини ёқиб юборди
2021 йил 12 март кунидан 13 март кунига ўтар кечаси номаълум шахс Фарғона вилояти Фарғона шаҳри Фарғона кўчасида жойлашган кўп қаватли уйда яшовчи 48 ёшли Татьяна В. ва 32 ёшли Шерзод А.ларга тегишли хонадонларнинг кириш эшиги ва деразасининг олдини ёнувчи суюқлик ёрдамида ёқиб юбориб, ҳодиса жойидан яширинган. Бу ҳақда Ўзбекистон Республикаси ИИВ ҳузуридаги Тергов департаменти хабар берди.

Олиб борилган терговга қадар текширув ҳаракатлари давомида 23 ёшли Шоҳрух Т. фотиҳа қилинган бўлажак турмуш ўртоғининг оиласи билан Татьяна в. доимий равишда уриш-жанжал қилиб келганлиги сабабли, уларни қўрқитиб қўйиш мақсадида содир этганлиги аниқланган.

Мазкур ҳолат юзасидан Фарғона шаҳри бўйича ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 173-моддаси 2-қисми «б» банди (Мулкни қасддан нобуд қилиш ёки унга зарар етказиш) билан жиноят иши қўзғатилиб, гумон қилинувчи тариқасида жалб қилинган. Ҳозирда тергов давом этмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Бўлажак куёв қасдини олмоқчи бўлиб, бегуноҳ фуқаронинг ҳам уйини ёқиб юборди