16:10 / 11.05.2021
4 472

Мадҳия вақтида "қовун туширган" ўзбекистонлик амалдорлар видеоси Хитойда 5 млн мартадан ортиқ кўрилди

Мадҳия вақтида "қовун туширган" ўзбекистонлик амалдорлар видеоси Хитойда 5 млн мартадан ортиқ кўрилди


Сирдарё вилоятида 9 май кунги байрам тадбири давомида давлат мадҳияси ижроси вақтида ҳуқуқ-тартибот идораларининг раҳбар ходимлари қўлини қаерга қўйиши билмай, ноқулай аҳволда қолгани тўғрисида хабар берилганди. Мазкур ролик Хитой ижтимоий тармоқларида ҳам тарқалган бўлиб, ҳозирга қадар у 5,57 миллион мартадан ортиқ томоша қилинган.

Скриншот: Weibo
Repost’нинг ёзишича, яна бир Хитой платформасида ўзбекистонлик ҳуқуқ-тартибот идоралари ходимлари иштирокидаги видео 5,75 миллион мартадан ортиқ кўрилган.

Скриншот: Weibo
Эслатиб ўтамиз, 9 май кунги тадбирда вилоят ҳокими Ғофуржон Мирзаев байрам нутқи билан чиқиш қилган. Унинг чиқишидан сўнг Ўзбекистон давлат мадҳияси ижро этилган. Мадҳия ижроси вақтида ҳокимнинг ортида турган ҳуқуқ-тартибот идораларининг раҳбар ходимлари қўлини қаерга қўйиши билмай, ноқулай аҳволда қолган.

Маълумотларга кўра, тадбир дастлаб вилоят ҳокимлигининг Facebook’даги саҳифаси орқали жонли эфирда кўрсатилган, ҳуқуқ-тартибот идораларининг раҳбар ходимлари билан боғлиқ вазият видеопарчаси ижтимоий тармоқларда тарқалиб кетгач, видео ўчирилган.

Маълумот учун, «Ўзбекистон Республикасининг Давлат мадҳияси тўғрисида»ги қонуннинг 7-моддасига кўра, «Ўзбекистон Республикасининг Давлат мадҳияси кўпчилик ҳузурида ижро этилганда... ҳарбий ёки давлатнинг бошқа хизматидаги махсус кийимдаги шахслар эса қўлини бош кийимига қўйиб тинглайди».

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Мадҳия вақтида "қовун туширган" ўзбекистонлик амалдорлар видеоси Хитойда 5 млн мартадан ортиқ кўрилди