Санитария-эпидемиологик осойишталик ва жамоат саломатлиги хизмати раҳбари ўринбосари Нурмат Отабеков шу йилнинг 1 сентябридан бошлаб аҳолининг 18 ёшдан юқори бўлган қисмини уч босқичда ёппасига оммавий эмлаш тадбирлари ўтказилишини маълум қилди.
«12 июлдан кейин коронавирус билан касалланиш кўрсаткичида яна кўтарилишни кузатяпмиз. Ҳар куни бир неча юзлаб, минглаб одамлар шифохоналарга тушяпти. Афсуски, шифохонада даволанаётганлар орасида ҳаётдан кўз юмаётганлар ҳам бўляпти. Шу соҳа вакили бўлганимиз учун, қолаверса, одамларнинг бизга бўлаётган мурожаатлари кўламидан келиб чиқиб, эпидемиологик вазият қанчалик чигаллашиб бораётганини кўриб турибмиз.
Пандемияга қарши курашишнинг дунё ҳамжамияти ҳозир эътироф этаётган ягона усули – бу эмлаш. Қачонки, аҳолининг 60-70 фоизида жамоавий иммунитет шаклланмас экан, эпидемиологик вазиятни ижобий томонга ўзгартира олмаймиз. Ягона имкониятимиз – вакцинациялаш. Минг афсуски, Ўзбекистон Республикасида коронавирусга қарши эмлаш тадбирлари 1 апрелдан бошлаб амалга оширилаётган бўлса ҳам, ҳанузгача имкониятлардан тўлиқ фойдалана олмаяпмиз. Эмланиши лозим бўлган аксарият аҳоли вакилларида иккиланиш, вакцина қабул қилишдан қандайдир чўчиш, имкон қадар вакцина олишни чўзиш ёки ниманидир кутишлар кузатилмоқда.
Ўзбекистон Республикасида коронавирусга қарши эмланадиган аҳоли вакиллари кимлар эди? Биз дастлаб 65 ёшдан юқори бўлганларни, у ёки бу сурункали касаллиги мавжуд бўлган аҳоли қатламини, тиббиёт ходимларини, ўқитувчиларни, мактабгача таълим муассасалари ходимларини, ундан кейин олий ва ўрта махсус таълим тизими ходимларини, кейин эса 18 ёшдан юқори бўлган аҳоли қатламини эмланиши керак бўлган фуқаролар рўйхатига киритдик.
Эндиликда 1 сентябрдан бошлаб аҳолининг 18 ёшдан юқори бўлган қисмини уч босқичда ёппасига оммавий эмлаш тадбирларини амалга оширмоқчимиз. Биринчи босқич сентябрь ойида, иккинчи босқич октябрь ойида ва учинчиси босқич ноябрь ойига тўғри келади»
Санитария-эпидемиологик осойишталик ва жамоат саломатлиги хизмати мулозимининг таъкидлашича, 18 ёшдан катта бўлган аҳоли қатламини уч босқичда оммавий эмланиш учун барча имкониятлар етарли.
«Эмлаш тадбирларига тайёргарлик ишларини январь-февраль ойларида бошлаганмиз. Ушбу жараёнда уч минг икки юзга яқин эмлаш пунктлари, саккиз юз олтмишдан кўпроқ эмлаш бригадалари ташкил этилди. Уларда фаолият кўрсатиши учун беш минг нафардан кўпроқ шифокорлар, ўн бир минг нафардан кўпроқ ўрта тиббиёт ходимлари тайёргарликдан ўтказилди. Эмлаш пунктлари учун термосумкалар, термоиндикатор ва генераторлар захираси яратилиб, шай ҳолатга келтирилган.
Ҳозир биз бор имкониятимизнинг эллик фоизидан фойдаланмоқдамиз холос. Агар биз яна имкониятларимизни ишга солиб, эмланадиган аҳоли қатламини яна кўпайтирадиган бўлсак, бунга ҳам имкониятлар мавжуд.
Республика бош давлат санитария врачининг 11-сонли қарори билан 18 ёшдан юқори бўлган, яъни эмланиши шарт билан аҳоли қатламини оммавий вакцинациялаш учун тегишли кўрсатма ҳамда вазифалар белгилаб берилди. Шу сабабли оммавий эмлаш тадбирлари бошланадиган сана – 1 сентябргача эмлаш тадбирларига тайёргарлик ишларининг бориши, имкониятларимизни яна бир бор сарҳисоб қиламиз, аҳолимиз учун барча қулайлик ва имкониятларни яратишга ҳаракат қиламиз», дейди Нурмат Отабеков. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Владимир Путин «Крокус»да содир этилган теракт учун ўч олишга чақирди
Damas учун онлайн контрактация очилади
Америкалик олимлар барча учун бирдек фойдали жисмоний фаоллик турини аниқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
