13:20 / 31.07.2021
2 681

Август ойида моддий ёрдамга муҳтож оилалар фарзандларига 500 минг сўмдан пул берилади


"Кам таъминланган ва ижтимоий ҳимояга муҳтож оилалар фарзандларини қўллаб-қувватлашнинг қўшимча чора-тадбирлари тўғрисида"ги президент қарори тасдиқланди.

Ҳужжатга кўра, август ойида моддий ёрдамга муҳтож оилалар фарзандларини кийим-бош тўпламлари, мактаб формаси ва ўқув қуроллари билан таъминлаш харажатлари бюджет маблағлари ҳисобидан қоплаб берилади.

Хусусан, боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган болаларига ва ногиронлиги бўлган 18 ёшга тўлмаган болаларга 500 минг сўм миқдорида бир марталик моддий ёрдам кўрсатиш белгиланди.

Бунда “Темир дафтар”га киритилган оилаларнинг 18 ёшгача бўлган фарзандларига бир марталик моддий ёрдам тўлаш харажатлари республика бюджети маблағлари ҳисобидан молиялаштирилади.

Боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган болаларига, ногиронлиги бўлган 18 ёшга тўлмаган болаларга бир марталик моддий ёрдам тўлаш харажатлари – Пенсия жамғармаси ҳамда вазирлик ва идораларга ажратилган бюджет маблағларидан қопланади. Ёрдам пуллари 25 августга қадар манзилли етказилиши таъминланади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Август ойида моддий ёрдамга муҳтож оилалар фарзандларига 500 минг сўмдан пул берилади