20:08 / 22.08.2021
2 058

COVID-19 билан касаллангандан сўнг нима истеъмол қилиш керак?

COVID-19 билан касаллангандан сўнг нима истеъмол қилиш керак?
Фото: «Moeip.ru»
Тўғри овқатланиш организмнинг коронавирус инфекциясидан сўнг тикланишида ниҳоятда муҳимдир. Таомномага дон маҳсулотлари, дуккаклилар, мева-сабзавотлар, резаворлар, шунингдек, балиқ ва сут маҳсулотларини киритиш керак. Бу ҳақда «РИA Новости» агентлигига россиялик мутахассис Маргарита Провоторова маълум қилди.

Экспертнинг сўзларига кўра, одам оддий ҳаёт кечириш учун зарур бўлган барча микроэлементларни озиқ-овқатдан олиши даркор.

Провоторованинг таъкидлашича, таомномада кўп миқдорда қайта ишланмаган ёки яхлит дон бўлиши керак: жўхори уни, гречиха, гуруч, перловка, булгур. Бу донлар энергия, В витаминлари ва озиқ толаси ажойиб манбаи ҳисобланади.

Дуккаклилар осон ҳазм бўладиган ўсимлик оқсили, мис ва рух манбаи саналади. С витамини, бета-каротин, фолат, биофлавоноидлар ва толалар мева-сабзавот ҳамда резаворларда учрайди, уларни кунига беш порциягача истеъмол қилиш керак. Бир порция 80-100 грамм соф маҳсулот ёки битта ўртача катталикда мевани ташкил этади.

Шунингдек, таомномага балиқни, яхшиси, ёғлисини киритган маъқул. Бу керакли омега-3ни олиш имконини беради. Бундан ташқари, ёғ ва ёнғоқларни чиқариб ташламаслик керак. Қайта ишланган гўшт маҳсулотларидан эса воз кечган маъқул.

Кундалик таомномада ўртача ёғли сут маҳсулотлари бўлиши лозим: творог, кефир, оқ йогурт, пишлоқ.

Шу билан бирга, мутахассис COVID-19дан кейин реабилитация пайтида икра истеъмол қилишни тавсия этмайди. Чунки унинг таркибида кўп миқдорда туз бор.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)
Мавзуга оид янгиликлар


Янгиликлар » Жамият » COVID-19 билан касаллангандан сўнг нима истеъмол қилиш керак?
[/banner_pushhouse