Фото: Президент матбуот хизмати
Президент Шавкат Мирзиёев Қўштепа туманига бориб, ғўзани томчилатиб суғориш технологиясини кўздан кечирди.
Марказий Фарғона ерларида деҳқончилик қилиш — машаққат. Айниқса, Қўштепа туманининг қарийб 70 фоиз ҳудуди унумдорлиги паст ерлар. Шу сабабли қишлоқ хўжалигида кўзланган натижаларга эришилмас эди.
Давлат раҳбари 2019 йилда Фарғона вилоятига ташрифи чоғида бундай майдонларда томчилатиб суғоришни жорий этиш бўйича кўрсатма берган эди.
Бугунги кунда Fergana Global textile пахта-тўқимачилик кластери томонидан Исроилнинг Netafim компанияси билан ҳамкорликда шундай лойиҳа амалга оширилмоқда.
Фото: Президент матбуот хизмати
Биринчи босқичда 215 гектар ерда томчилатиб суғориш жорий этилди. Бунинг учун 17 минг куб метр сиғимга эга сунъий ҳовуз қурилиб, 3 та тик қудуқ қазилди. 520 минг долларлик замонавий ускуналар келтириб ўрнатилди. Мазкур технология ёрдамида бир вақтнинг ўзида 60 гектар пахта майдонини суғориш мумкин.
Таъкидланишича, самарадорлик яхши бўлмоқда. Масалан, сув, ўғит ва ёқилғи сарфи икки баравар, механизация жараёни тўққиз мартага камайган. Бу тизимни самарали ишлатиш учун 10 нафар ёш агроном ўқитилган.
Фото: Президент матбуот хизмати
Президент томчилатиб суғориш жараёнини кўздан кечириб, мутахассислар билан мулоқот қилди.
«Бу ҳудуднинг тупроғи қумлоқ, сув доим танқис. Лекин авваллари бу ерда ҳам бошқа жойлар билан бир хил иш услуби бўлган. Шунинг учун туманда қишлоқ хўжалиги рентабел эмасди. Масалан, пахтадан 10—12 центнер ҳосил олинар эди. Мана, бу йил 45 центнер бўлиши кутиляпти экан. Булар — илм билан ёндашиш самараси. Қилса, бўлар экан-ку», — деди Президент.
Фото: Президент матбуот хизмати
Лойиҳанинг иккинчи босқичида 1 минг 200 гектар майдонда томчилатиб суғоришни жорий этиш белгиланган. Мутахассислар фикрича, ушбу технология икки мавсумда харажатларини тўлиқ қоплайди.
Шу ернинг ўзида давлат раҳбари оммавий ахборот воситалари вакиллари билан мулоқот қилди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди
