Афғонистондаги ягона спорт телеканали ўз фаолиятини тўхтатди

^{Фото: TOLO News}
Афғонистондаги ягона спорт телеканали 3 sport молиявий муаммолар ва толиблар томонидан киритилган чекловлар сабабли ўз фаолиятини тўхтатди. Бу ҳақда TOLO News телеканали хабар берди.

Телеканал раҳбарияти аъзоси Шафиқулла Салим Пойнинг таъкидлашича, охирги вақтда телеканал мухбирлари тадбирларни ёритишда чекловларга учраган.

TOLO News маълумотларига кўра, толиблар Афғонистонда ҳокимиятни эгаллаган 2 ойдан камроқ вақт ичида 150 дан кўпроқ афғон оммавий ахборот воситаси ўз фаолиятини тўхтатди. «Замин»ни Telegram’да ўқинг!