Бухорода «Волга»нинг газ баллони портлаши оқибатида 2 киши вафот этди

^{Кадр: Видеодан скриншот}
Бухоро вилоятида «ГАЗ-24» (Волга) газ баллони портлади, дея хабар бермоқда «Бу кун» информацион дастури.

Маълум қилинишича, Бухоро—Ғузор—Денов автомобиль йўлида ҳаракатланаётган «ГАЗ-24» фургонида ўрнатилган икки 50 литр ҳажмдаги сиқилган газ баллонининг бири портлаган. Портлашга газ баллонидаги носозлик сабаб бўлган.

Газ баллони портлаши оқибатида автомобилнинг ҳайдовчиси ва йўловчиси воқеа жойида ҳалок бўлган.
Ҳозирда воқеа юзасидан вилоят ИИБ тергов бўлими томонидан суриштирув ишлари олиб борилмоқда. «Замин»ни Telegram’да ўқинг!