Ўзбекистон Транспорт вазирлиги ташаббуси билан Uzbekistan Airports АЖ Silk Avia минтақавий авиакомпаниясини ташкил этмоқда. Янги авиаташувчи келаси йилдан парвозларни бошлашни режалаштирмоқда.
Silk Avia авиакомпанияси жорий йилнинг сентябр ойида рўйхатга олинган ва 14-18 ноябрь кунлари Дубай шаҳрида бўлиб ўтган Dubai Airshow-2021 авиасалони доирасида Uzbekistan Airports ҳамда HAS Aviation GT LLC ўртасида минтақавий авиакомпанияни яратиш стратегиясини ишлаб чиқиш бўйича шартнома имзоланган.
Минтақавий авиакомпаниянинг ташкил этилиши Ўзбекистонда ишбилармонлик фаоллигини рағбатлантириш ва ички туризмни ривожлантириш учун шарт-шароитлар яратишда муҳим аҳамиятга эга экани айтилади. Бу, ўз навбатида, мамлакатнинг бир фуқаросига тўғри келадиган ўртача рейслар сонини кўрсатувчи аҳоли авиация ҳаракатчанлиги коэффициенти ошишига таъсир қилади.
«Биз бозорда ўзбекистонликлар учун ҳамёнбоп нархларда ички ҳаво қатновларини таъминлайдиган авиакомпания яратишни мақсад қилганмиз. Яқин-яқингача Ўзбекистон шаҳарларини боғловчи тўғридан тўғри рейсларнинг йўқлиги катта муаммо эди. Самарқанддан Хоразмга бориш учун йўловчилар Тошкент орқали учиши керак бўлган.
Бизнинг вазифамиз ички ташишни нафақат point to hub (пойтахтдан ҳудудларга) тамойили бўйича, балки point to point (ҳудудлар ўртасидаги) модель бўйича ҳам ташкил этишдир. Режада - 40 тагача йўналиш ишлаб чиқиш ва йўловчилар сиғими 70 кишигача бўлган ҳудудий ҳаво кемаларини харид қилиш. Тарифлар темирйўл тарифлари билан тенг бўлади. Бу ички туризм ривожига, истеъмолчи учун авиачипталарнинг якуний нархига ижобий таъсир кўрсатади», деди Uzbekistan Airports акциядорлик жамияти бошқаруви раиси Раъно Жўраева.
Янги авиакомпания минтақавий аэропортларни ривожлантириш учун ҳам зарур экани билдирилган. Биринчи босқичда у Uzbekistan Airports бошқарув компанияси томонидан ташкил этилмоқда. Келгусида авиакомпанияни хусусий секторга ўтказиш режалаштирилган.
Таъкидланишича, Silk Avia ўзини Uzbekistan Airways миллий авиаташувчисига рақобатчи сифатида кўрсатмайди, балки ички ташувларни ташкил этишда ҳамкор сифатида ишлайди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жо Байден: “Баъзан хотиним мени космосга жўнатиш билан таҳдид қилади”
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
АҚШ Исроилнинг икки вазирига санкция қўлламоқчи
