Ижтимоий тармоқларда Хоразм вилояти Янгибозор туман ҳокими Ўктамбой Қурбонов йиғилишлардан бирида фермерларни куракда турмайдиган сўзлар билан ҳақорат қилгани акс этган аудио тарқалди.
Аудиодан маълум бўлишича, ҳоким бажарилмаган ишларни ҳам “бажарилди” деб ҳисобот бериб келган бўлиши мумкин.
“Нега чақирганимда ёнимга келмадинг...(ҳақорат қилади), нимага чақирган эдим сени?” дея қайта-қайта сўрайди ҳоким экани айтилаётган шахс.
“Бажараман дедим-ку”, дейди бунга жавобан сўроқ қилинган одам.
“Сенга “власть” бериб қўйибман. “Мелиса”ни чақир, “учасковой”ни, яна бир ...(сўкади) чақир... Нимага чақирмадинг? Ҳезалакмисан?
Буғдой қани? Бажармасанг ...(таҳдид қилади). Бажармаганингни бажартириб (қоғозда – таҳр), бўйнимга олиб турибман. Ҳезалаклар! Мен бўйнимга олиб 105 фоиз қилинглар, дедим. Яхши гапни тушунмайдиган тўнғиз...”, дейди оғир ҳақоратлар билан у.
Аудиони тарқатган Telegram'даги TentakMinds канали Янгибозор туман ҳокими таниқли амалдорлардан бўлмиш Қаҳрамон Қуронбоевнинг қариндоши эканига урғу беради.
“Ундан ҳамма қўрқади, чунки унинг укаси Қаҳрамон Қуронбоев Қўчқарович – президент маслаҳатчисининг биринчи ўринбосари. Ҳа, фамилиялар сал ўзгаргани билан ота исми ва юзлардаги ўхшашлик сотиб қўяди”, – дея ёзади блогер.
Янгибозор тумани ҳокимлиги ахборот хизмати Kun.uz'га бу аудиоёзув изоҳсиз қолдирилишини маълум қилди.
Эслатиб ўтамиз, октябр ойида Президент ҳузуридаги Давлат хизматини ривожлантириш агентлиги барча туман ва шаҳар ҳокимлари ҳамда уларнинг ўринбосарлари фаолиятини энг муҳим самарадорлик кўрсаткичлари (KPI) асосида баҳолаб чиққан, 205 нафар ҳоким жой олган ушбу рейтингда Янгибозор тумани ҳокими Ўктам Қурбонов 2-ўринни олганди.
Маълумот учун, Ўктам Қурбонов Янгибозор туманига 2020 йил март ойида ҳоким этиб тайинланган.
У 2018 йилдан 2020 йилгача Хоразм вилояти ҳокимининг қишлоқ ва сув хўжалиги масалалари бўйича ўринбосари лавозимида фаолият юрган.
Ўзбекистонда ҳокимларнинг фермерларни таҳқирлаши ва ҳақоратлаши ҳолатлари тез-тез рўй бериб туради. Шу билан бирга, фермерларнинг маҳаллий ҳокимликларга қарамлиги сақланиб қолаётгани танқидларга сабаб бўлади.
2021 йил ёзида Адлия вазирлиги ўтказган ўрганишларда бутун республика бўйлаб фермерларнинг ҳуқуқлари оёқости қилинаётгани тасдиқланган эди.
Сўровда қатнашган минглаб фермерлар пуллари вақтида тўлаб берилмаётганини айтган. Шунингдек, ҳокимлар фермерлар фаолиятига доимий равишда аралашаётгани, уларнинг маҳсулотлари битим тузмасдан олиб кетилаётгани, кўплаб ҳолларда шартномалар тўлдирилмаган (бўш) ҳолатда имзолатиб олинаётгани маълум бўлган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Айрим бошқарув сервис компаниялари шартномаларида асоссиз шартлар белгилангани аниқланди
Ҳар қандай катта ёшдаги киши етук эмас
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
