Uzbekistan Airways Қўшма Штатларга бораётган йўловчиларга эслатма билан чиқди. Хабарга кўра, АҚШга бораётган ёки транзит орқали ўтадиган йўловчилар, келишларидан камида 15 кун олдин (эмлаш куни + 14 кун) COVID-19га қарши тўлиқ эмланганликларини тасдиқлайдиган гувоҳномага эга бўлишлари лозим.
Гувоҳномада йўловчининг маълумотлари (масалан, исм ва туғилган сана) паспорт/саёҳат ҳужжатида кўрсатилган маълумотлар билан мос келиши зарур.
Қайд этилишича, қуйидаги вакциналар қабул қилинади: AstraZeneca (SK Bioscience), AstraZeneca (Vaxzevria), Covishield, Covaxin, Janssen, Moderna (Spikevax), Pfizer-BioNTech (Comirnaty), Sinopharm вa Sinovac.
Таъкидланишича, ушбу вакциналарнинг комбинацияси (ўзаро қўлланилиши), агар улар камида 17 кун оралиғида киритилган бўлса, рухсат этилади.
Бу:
- АҚШ фуқароларига;
- АҚШда яшаш гувоҳномасига эга шахсларга;
- 18 ёшга тўлмаган йўловчиларга;
- соғлиғи сабабли вакцинани ололмаслигини тасдиқловчи шифокорнинг мактубига эга йўловчиларга;
- АҚШ, бошқа ҳукумат ёки Бирлашган Миллатлар Ташкилоти томонидан тақдим этилган таклифнома хати ёки бошқа расмий ҳужжатга эга, хизмат юзасидан саёҳат қилаётган йўловчилар учун амал қилмайди.
АҚШга бораётган ёки транзит орқали ўтадиган йўловчилар биринчи жўнаш нуқтасидан кетишдан 1 кун олдин COVID-19га манфий тестдан ўтишлари керак. Рухсат этилган тестлар: антиген, NAAT, RT-LAMP, RT-PCR ёки TMA
Бу:
- Икки ёшдан кичик йўловчилар;
- биринчи жўнаш нуқтасидан кетишдан 90 кун олдин кечиктирмасдан олинган COVID-19 тестининг мусбат натижаси бўлган йўловчилар;
- ва соғлиқни сақлаш ташкилотидан йўловчининг саёҳатга рухсат берилганлиги ҳақидаги хатга эга бўлганларга таалуқли эмас.
Парвоздан олдин йўловчилар аттестация шаклини тўлдиришлари ва уни чоп этишлари (қоғоз шаклида чоп этишлари), парвоздан олдин рўйхатга олиш вақтида тақдим этишлари керак.
Шаклларни ушбу ҳаволалар орқали топиш мумкин:
Attestation - Children under 18 years of age
Attestation - Diplomats
Attestation - Fully vaccinated individuals
Attestation - US citizens and Lawful Permanent Residents
Юқоридагилар 2 ёшдан кичик бўлган йўловчиларга тааллуқли эмас. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Айрим бошқарув сервис компаниялари шартномаларида асоссиз шартлар белгилангани аниқланди
Ҳар қандай катта ёшдаги киши етук эмас
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
