10:36 / 21.12.2021

Пиёдалар йўлакчаларига пиёдалар бошқарадиган светофорлар ўрнатилади

Вазирлар Маҳкамасининг “Таълим муассасаларида йўл ҳаракати қоидалари тарғиботини кучайтириш чора-тадбирлари тўғрисида”ги қарори лойиҳаси эълон қилинди.

Транспорт вазирлиги Ички ишлар вазирлиги ва маҳаллий ижро этувчи органлар билан биргаликда 2021–2023 йилларда босқичма-босқич барча мактабгача таълим муассасалари ва умумтаълим мактаблари олдига ҳамда ёндош йўлларига тезлик меъёрини кескин камайтирган ҳолда, 30 км/соатда ҳаракатланишни билдирувчи йўл белгилари ва сунъий нотекисликлар ўрнатиб, тўлиқ жиҳозлайди;

Шаҳар ва туманларнинг аҳоли гавжум жойларида пиёдалар йўлакчаларига пиёдалар бошқарадиган светофорлар ўрнатилади. Ўқувчиларни бепул ташиш хизматини йўлга қўйган тадбиркорлик субъектларига лицензия тўловлари ва бошқа йиғимлар бўйича имтиёз бериш масаласи кўриб чиқилади.

Ички ишлар вазирлиги:

Халқ таълими вазирлиги билан ҳамкорликда Давлат йўл ҳаракати хавфсизлиги хизмати ходимларини барча умумтаълим мактабларига бириктиради ва улар томонидан ўқувчиларнинг йўл ҳаракати қоидалари борасида саводхонлигини ошириш бўйича “синф соатлари”да йўл ҳаракати хавфсизлиги учун белгиланган мавзулар доирасида билимлар бериб борилишини таъминлайди;

таълим муассасаларига бириктирилган ходимларни ўтган машғулотлари учун Давлат йўл ҳаракати хавфсизлиги хизматининг моддий-техник базасини ривожлантириш, ходимларни рағбатлантириш ва мукофотлаш жамғармаси маблағлари ҳисобидан рағбатлантириб боради;