Қамчиқ довонида юк машинаси йўл четига ағдарилиб кетди

^{Фото: Фавқулодда вазиятлар вазирлиги матбуот хизмати}
Қамчиқ довонида юк машинаси кюветга ағдарилиб кетди. Бу ҳақда Фавқулодда вазиятлар вазирлиги матбуот хизмати хабар берди.

Маълумотларга кўра, жорий йилнинг 17 январь куни соат 16:55 да «Тошкент-Ўш» автомобиль йўлининг Қамчиқ довонидан ўтувчи 195-километрида «Водий-Тошкент» йўналишида ҳаракатланаётган HOWO юк машинаси ҳайдовчиси бошқарувни йўқотиб, йўл четидаги кюветга ағдарилиб кетган.

Воқеа жойига 2-механизациялашган назорат-тергов гуруҳининг 4 нафар қутқарувчиси ва «Чинор» пости ходимлари етиб бориб, махсус техникалар ёрдамида юк машинасини кюветдан чиқариб олишган.

Ҳайдовчи ва бир йўловчи салонда бўлган, ҳодиса оқибатида ҳеч ким жабрланмаган. “Замин” янгиликларини “Telegram”да кузатиб боринг