![Шавкат Мирзиёев БМТ Контртеррор бошқармаси раҳбарини қабул қилди](/uploads/posts/2022-03/920__95_3478885103.webp)
Ўзбекистон Республикаси Президенти Шавкат Мирзиёев 2 март куни Бирлашган Миллатлар Ташкилоти Бош котибининг ўринбосари — Контртеррор бошқармаси раҳбари Владимир Воронковни қабул қилди.
Воронков БМТнинг Глобал аксилтеррор стратегияси бўйича Тошкент халқаро конференцияси доирасида мамлакатимизда бўлиб турибди.
![](/uploads/posts/2022-03/720__7csgvva3jpsf_adnjdj_hqym93elo50r.webp)
Учрашув аввалида Владимир Воронков Ўзбекистон Президентига Бирлашган Миллатлар Ташкилоти Бош котиби Антониу Гутерришнинг самимий саломи ва энг эзгу тилакларини етказди. Эртага пойтахтимизда иш бошлайдиган икки кунлик нуфузли халқаро конференцияни ўтказиш ташаббуси ва унинг ташкил этилгани учун алоҳида миннатдорлик билдирилди.
Мамлакатимизнинг БМТ институт ва тузилмалари, шу жумладан Контртеррор бошқармаси билан амалий ҳамкорлигини янада ривожлантириш масалалари кўриб чиқилди.
Давлатимиз раҳбари сермаҳсул ҳамкорликнинг бугунги даражасини мамнуният билан қайд этди. Хусусан, Ўзбекистон бошқарманинг террорчиликка қарши курашиш борасидаги 15 та лойиҳасини амалга оширишда фаол иштирок этмоқда.
Марказий Осиё минтақаси давлатларининг янгиланган Қўшма ҳаракат режасини амалга ошириш ва лойиҳалар сонини кўпайтиришга алоҳида эътибор қаратилди.
БМТ Бош Ассамблеяси томонидан Ўзбекистон ташаббуси билан қабул қилинган «Маърифат ва диний бағрикенглик» резолюцияси доирасида кўп томонлама тадбирлар ўтказиш, ёшларни экстремизм ва терроризмнинг салбий таъсиридан ҳимоя қилиш, «қайноқ нуқталар»дан қайтарилган шахсларни реабилитация ва реинтеграция қилиш соҳасида тажриба алмашиш ҳамда кадрлар тайёрлаш йўналишида ҳамкорлик қилиш имкониятлари муҳокама қилинди.
Минтақа кун тартибидаги масалалар, шу жумладан Афғонистондаги вазиятнинг ривожланиши, афғон халқига кўмаклашиш ва ёрдам кўрсатиш чораларини кўриш юзасидан фикр алмашилди.
Учрашув якунида Ўзбекистон ва БМТ Контртеррор бошқармаси ўртасидаги амалий шерикликни кенгайтириш бўйича қўшма «йўл харитаси»ни тайёрлаш тўғрисида келишувга эришилди.
Шавкат Мирзиёев, БМТ, Контртеррор бошқармаси, Владимир Воронков “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Байден: “Мен дунёни бошқараман” расм](/uploads/posts/2024-07/x69e948c158_photo_2024-07-07_12-54-25-2cskoewe.webp.pagespeed.ic.-zKzH7dc18.webp)
Байден: “Мен дунёни бошқараман”
![НАТОдагилар Байден Трампни енга олмаслигидан хавотирда расм](/uploads/posts/2024-07/xcd36a14839_g9a6qn9jluzltsheezw-1mzto0mmafvy.webp.pagespeed.ic.nKnEF7ur8Q.webp)
НАТОдагилар Байден Трампни енга олмаслигидан хавотирда
![Москвада сотиб юборилган, қўшмачилик билан шуғулланган маҳкума надоматлари расм](/uploads/posts/2024-07/x3a9f8379cf_photo_2024-07-05_18-22-32-vq54wdc1.webp.pagespeed.ic.8Nm39bAxXZ.webp)
Москвада сотиб юборилган, қўшмачилик билан шуғулланган маҳкума надоматлари
![Россия Украина Миллий гвардиясининг президент бригадаси базасига зарба берди расм](/uploads/posts/2024-07/x0ddc545264_44601631_001280720_1920x0_80_0_0_3200a045759070300de1ff80c0de0229_jpg.webp.pagespeed.ic.CHCoq_0u8X.webp)
Россия Украина Миллий гвардиясининг президент бригадаси базасига зарба берди
![Ўзбекистон Олимпия терма жамоаси аъзоси “Пахтакор”га ўтди расм](/uploads/posts/2024-07/x5c61f2b2d8_abdurauf-buriyev-flag-zpqphdhl.webp.pagespeed.ic.juD9zpgEbF.webp)
Ўзбекистон Олимпия терма жамоаси аъзоси “Пахтакор”га ўтди
![Қўқонда 6 ёшли болани машина юкхонасига солган шахсга ҳукм ўқилди расм](/uploads/posts/2024-07/x2651c1bb74_hkduzprwfaespuw-19h2e4ca9ojmkwts.webp.pagespeed.ic.uyqBJnn_1N.webp)
Қўқонда 6 ёшли болани машина юкхонасига солган шахсга ҳукм ўқилди
![Рақамли иллюзия ёхуд алданаётган сезгиларимиз расм](/uploads/posts/2024-07/xb2d15d48e1_illyuziya1-qhazuwmz.webp.pagespeed.ic.kNj3yvvfSN.webp)
Рақамли иллюзия ёхуд алданаётган сезгиларимиз
![Жо Байден ўзини “Путинни тўхтатган одам” деб атади расм](/uploads/posts/2024-07/xf1a280d79c_bayden2-x6olluk4.webp.pagespeed.ic.Ac5kiNQxpW.webp)
Жо Байден ўзини “Путинни тўхтатган одам” деб атади