Олий Мажлис Сенатининг 24-ялпи мажлиси бўлиб ўтмоқда. Йиғилишда ташқи ишлар вазири Абдулазиз Комилов Украина атрофида бўлаётган можаро юзасидан Ўзбекистон позициясини айтди.
Халқаро ҳамжамият эътибори Россия—Украина воқеаларга қаратилган. Бунга биз ўз манфаатларимиздан келиб чиқиб муносабат билдирамиз.
Ўзбекистоннинг Украина атрофидаги воқеаларга муносабати қуйидагича:
- "Украина атрофидаги вазият Ўзбекистонда жиддий хавотир уйғотмоқда. Биз бу масаланинг тинч йўл билан ҳал қилиниши тарафдоримиз. Бунинг учун биринчи навбатда ҳарбий ҳаракатлар, зўравонликлар зудлик билан тўхтатилиши зарур. Ҳозирги воқеалар бўйича муносабатимиз шуки, Ўзбекистон тарихан Россия ва Украина билан анъанавий, кўпқиррали ҳамкорликка эга. Биз бу мамлакатлар билан ўз манфаатларимиздан келиб чиқиб ҳамкорлик қиламиз. Бир томондан Россия билан кенг, кўп қамровли ҳамкормиз. Иккинчи томондан Украина билан ҳам кенг кўламли ҳамкорлик амалга оширилмоқда.
Масалан, 2021 йилда Украина билан савдо айланмаси ҳажми 704 миллион АҚШ долларига етди. Бу 2020 йилга нисбатан 60 фоизга юқори кўрсаткич.
Жорий йилда ҳам Тошкент ва Украинада бир қатор тадбирлар ўтказмоқчи эдик. Можародан олдин Тошкент—Киев йўналишида ҳафтада 4 тадан авиақатновлар амалга оширилаётганди.
Биз, албатта, ҳолатдан келиб чиқиб Украинага гуманитар ёрдам берамиз. Ўзбекистон Украина мустақиллиги, суверенитети ва ҳудудий яхлитлигини тан олади. Биз Луганск ва Донецк мустақиллигини тан олмаймиз. Ўзбекистон позицияси шуки, мамлакатимиз ҳеч қандай халқаро ҳарбий блокка қўшилмайди", - деди Абдулазиз Комилов.
Эслатиб ўтамиз, Ўзбекистон Украина ва Россия атрофидаги вазият бўйича «вазмин, нейтрал позицияда». «Мамлакатимиз азалдан ҳам Россия, ҳам Украина билан яқин, дўстона муносабатларга эга. Биз кенг минтақамизда тинчлик, барқарорлик ва изчил тараққиёт бўлишидан манфаатдормиз. Барча баҳс ва келишмовчиликлар фақатгина халқаро ҳуқуқ нормалари асосида ҳал қилиниши лозим», — деган президент матбуот котиби Шерзод Асадов Мирзиёев ва Путин ўртасидаги телефон мулоқоти юзасидан маълумот бериб.
Абдулазиз Комилов, Ўзбекистон позицияси, Украинадаги можаро, Луганск, Донецк “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
22 ноябрь куни Cobalt автомобилига шартнома очилиши эълон қилинди
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Италия суди Қуддус Исроил пойтахти эмаслиги ҳақида қарор чиқарди
Халқаро жиноят судининг ордери Исроилни нега қўрқитяпти?
2026 йилда бўлажак мундиалнинг фаворитлари рейтинги тақдим этилди
