10:06 / 05.04.2023

Битта сўз — 166 минг доллар: Фильмдаги ҳар бир сўзи учун жуда катта гонорар олганактёрлар

Машҳурликка эришгач, бошқа фильмларга бўлган таклифлар ҳам ортиб боради. Шу сабабданми Голливуднинг баъзи актёр ва актрисалари фильмда айтган сўзлари сонига кўра пул олишади.

Киану Ривз (“Матрица: қайта ишга тушириш” ва “Матрица: Революция”) — ҳар бир сўз учун 159 393 доллар

Киану Ривз биринчи “Матрица”да ўз қаҳрамонини яхши ривожлантирди, уни очиб берди ва кейинги фильмларда ҳеч нарса дейиш мумкин бўлмаган тарзда ижро этди. “Қайта ишга тушириш” ва “Револуция” учун у атиги 638 та сўз айтади ва ҳар бир сўз учун деярли 160 минг доллар олади. Аммо Киануни ҳаддан ташқари кўп гонарар олишда айблаб бўлмайди, чунки у суратга олиш гуруҳининг ҳар бир аъзосини мукофотлаган — бунинг учун 75 миллион сарфлаган. Бундан ташқари, Ривз болалар шифохоналарига пул хайрия қилади, ҳатто ўз жамғармасига асос солган ҳам, бироқ у буларнинг ҳаммасини аноним тарзда амалга оширади. Киану қандай фондга асос солганини ва қайси шифохоналарга пул хайрия қилишини ҳеч ким билмайди.

Анжелина Жоли (“Турист”) — ҳар бир сўз учун 20 934 доллар

2010 йилда “Турист” фильми экранларга чиқди, у Жонни Депп ва Анжелина Жолининг юлдузли ролига қарамай, 100 миллионлик бюджетдан атиги 278 миллион даромад олади. Эҳтимол, бутун бюджетнинг ярми Жоли ва Деппнинг гонорарларига кетгандир. Бир ярим соат ичида 999 та сўз айтган актриса 21 миллион доллар ишлаб топган.

Арнолд Шварценеггер (“Терминатор-2: Қиёмат куни”) — ҳар бир сўз учун 21 429 доллар

Аввалига Арнолд Шварценеггер “Терминатор” фильми актёрлари таркибига қўшилишни истамайди. Биринчидан, ўшанда Жеймс Кемеронни ҳеч ким танимаган. Иккинчидан, режиссёр унга деярли ҳеч қандай гапи бўлмаган ролни таклиф қилади. Аммо Кемерон Арнолдга ўз персонажини нолдан яратиши ва у билан хоҳлаганини қила олиши учун имкон беради. Аммо Шварценеггер бу ролни рад этади ва муваффақиятига ишонмади. Маълум бўлишича, у жуда хато қилган. “Терминатор” фильми хит бўлди. “Қиёмат куни”да эса Шварценеггер 700 та сўз айтишга муваффақ бўлган ва бу роли учун у 15 миллион доллар олган.

Том Круз (“Уддалаб бўлмас топшириқ”) — ҳар бир сўз учун 21 545 доллар

“Уддалаб бўлмас топшириқ” фильмидаги каскадёрлик иши устида жуда қаттиқ ишлашидан ташқари, Том Крузнинг гапи ҳам кўп эди. 110 дақиқада у 3249 та сўз айтади, кинотеатрлардаги тўлов ва касса фоизлари эвазига 70 миллион ишлаб топади.

Жонни Депп (“Алиса мўжизалар мамлакатида”) — ҳар бир сўз учун 66 606 доллар

Жонни Депп машҳур номи туфайли унчалик ажойиб бўлмаган ролларда ҳам етарлича пул ишлашга муваффақ бўлади. Масалан, “Алиса мўжизалар мамлакатида” фильми учун Жонни 44 млн доллар олади. Шуниси эътиборга лойиқки, картина бюджети 150 дан 200 миллион долларгача бўлган.

Жек Николсон (“Бетмен”) — ҳар бир сўз учун 166 101 доллар

Баъзи актёрлар гонорарга эмас, балки даромаднинг фоизига рози бўлишади. Бундай ҳолатда кафолатланганидан анча кам даромад олиш хавфи ҳам мавжуд. Аммо Том Круз “Уддалаб бўлмас топшириқ” ва Жек Николсон “Бетмен” фильмида ўйнаганидек жуда яхши пул ишлаш ҳам мумкин. Жокер сифатида Жек 585 та сўз айтиб, 90 миллион доллар ишлаб топган. Аммо Николсон таваккал қилмаган, чунки у 6 миллион аванс тўлаш бўйича музокара олиб боришга муваффақ бўлганди.