Бурак Ўзчивит россиялик режиссёрнинг фильмида суратга тушади

^{Фото: “Нгс.ru”}
“Чолиқуши”, “Ҳукмдор Усмон” каби турк сериаллари юлдузи Бурак Ўзчивит илк бор Россия киночилари томонидан суратга олинадиган фильмда роль ўйнайди. Бу ҳақда Мash Telegram канали хабарига асосланиб People Talk хабар бермоқда.

Маълумотларга кўра, Ўзчивит ёш актёр Рузил Минекаев билан бир лойиҳада иштирок этишга рози бўлган. Фильм янги йил ҳақида бўлиб, “Арчалар-11” (“Ёлки-11”) деб номланади.

“Йигит сўзи: Асфальтдаги қон” сериали юлдузи Рузил Минекаев иштирокидаги сериал нафақат мактаб ўқувчиларининг, балки катталарнинг ҳам севимли фильмига айланди. Унда актёр хушбичим, шўх ва бир оз безори мактаб ўқувчиси ролини ажойиб тарзда ижро этган.

Маълумот ўрнида: Миникаев Рузил Рамилевич 1999 йилда Татаристонда туғилган, санъат соҳасига кириб келишдан аввал Замонавий песа мактабида ишлаган. 2020 йилдан бошлаб Минекаев фильмларда ва телевидение лойиҳаларида иштирок этган. Ҳозирда у театр ва кино актёри сифатида фаолият олиб бормоқда.

^{Фото: Wday}
Икки юлдуз иштирокидаги саҳналар Татаристоннинг Алметевс туманида суратга олинади. Фильм режиссёри Александр Карпиловский бўлиб, у ўзининг “Цивилизациялашган одамлар” фильми билан машҳур бўлган, Галина Стрижевская (“Йигит сўзи”) эса лойиҳага продюсерлик қилади.

Қайд этилишича, 24 август куни Қозондаги меҳмонхоналардан бирида актёр номига жой банд қилинган. Турк актёрининг гонорар миқдори ҳозирча сир сақланмоқда, аммо Маsh манбасининг таъкидлашича, актёр суратга олишнинг бир куни учун 17 минг доллардан 34 минг долларгача ҳақ олади.

^{Фото: Instagram}
Бурак Ўзчивитнинг ўзи март ойида Краснодарда бўлиб ўтган Бутунжаҳон ёшлар фестивалига ташриф буюрган ва тадбирда рус ёшлари билан бирга фильм суратга олиш ғояларини илгари сурган эди. “Замин” янгиликларини “Facebook”да кузатиб боринг