Американинг Netflix стриминг тизими жорий йил декабрь ойида премьераси бўлиб ўтиши режалаштирилган “Кальмар ўйини” сериалининг иккинчи мавсумини фаол равишда тарғиб қилишда давом этмоқда. Куни кеча сериалнинг кейинги қисмидаги воқеаларни акс эттирувчи тўлиқ тизер эълон қилинди.
Фото: Нердтрополис
Платформанинг расмий YouTube каналида жойлаштирилган видео тахминан икки дақиқа давом этади. Унда янги мавсумнинг бош қаҳрамонлари ва улар дуч келадиган даҳшатли синовлар акс эттирилган.
Сюжетга кўра, калмар ўйинида ғалаба қозонганидан уч йил ўтгач, 456-рақамли ўйинчи АҚШга кўчмасликка қарор қилади ва янги режалар билан уйга қайтиб келади. У кўплаб ҳалокатларга олиб келувчи даҳшатли ўйинга бутунлай чек қўйиш мақсадида мусобақа ташкилотчиларини излашга тушади.
Фото: Netflix
Унинг ҳаракатлари ниҳоят ўз самарасини берганида мудҳиш ўйинни тугатиш учун Сон Ки Хун яна калмар ўйинида иштирок этиши шарт эканлиги маълум бўлади. Охир-оқибат у ўйинда қайта иштирок этиб, бош соврин учун курашишга йиғилган иштирокчилар билан янги ҳалокатли даврни бошлайди.
Қайд этилишича, Ли Чон Че, Ли Бен Хон, Ви Ха Жун ва Кон Ю каби биринчи мавсумдаги актёрлар ўз ролларига қайтишган.
“Кальмар ўйини” — Жанубий Кореяда суратга олинган сериал бўлиб, катта пул мукофоти ваъда қилинган ўйинда омон қолиш учун шафқатсиз синовларда қатнашишга мажбур бўлган ва қарзга ботган бир гуруҳ одамлар ҳақида ҳикоя қилади. Сериал иштирокчиларни болалар ўйини асосида тузилган бир нечта ҳалокатли ўйинларда иштирок этади. Ҳар бир мағлубият ўлимни англатади.
Сериал режиссёри ва сценарий муаллифи Хванг Дон Хек лойиҳа ғоясини 10 йилдан ортиқ вақт давомида ишлаб чиққан, бироқ Netflix кўмагидагина уни экранда жонлантиришга муваффақ бўлган. 2021 йил сентябрда чиққан мазкур сериал бутун дунё бўйлаб миллионлаб томошаларни йиғди ва платформанинг энг муваффақиятли лойиҳаларидан бирига айланди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Жиззахда Cobalt катта тезликда икки қизчани уриб юборди
