Концертнинг ёқимли сюрпризи: Озода Нурсаидова ва Шаҳноза Отабоеванинг самимий учрашуви (видео)

Ҳозирги кунларда Тошкент шаҳрида Ўзбекистонда хизмат кўрсатган артист Озода Нурсаидованинг катта концерт дастури бўлиб ўтмоқда. 7 май куни бошланган ушбу концерт дастури 16 майга қадар давом этади. Концерт нафақат хонанданинг севимли қўшиқлари, балки кутилмаган меҳмонлари билан ҳам мухлисларга ёрқин таассурот қолдирмоқда.

Мазкур концертнинг энг ёрқин ва эсда қоларли лаҳзаларидан бири сифатида кутилмаган меҳмон — хонанда Шаҳноза Отабоеванинг саҳнага чиқиши бўлди. Ўз устозига чуқур ҳурмат ва эҳтиром билан ёндашган хонанда, қўлида катта гулдаста билан саҳнага чиқиб, Озода Нурсаидовага мурожаат қилди.

«Ман шу фурсатдан фойдаланиб, сиздан бир нарсани илтимос қилмоқчиман», — деди Шаҳноза Отабоева. Устози Озода Нурсаидова «Хўп», дея илтимосини эшитишга тайёрлигини билдиргач, Шаҳноза шундай давом этди:

«Азизлар, 2006 йилдан бери мана шу устозимга битта қўшиқ билан қалбларидан, юракларидан жой олиб йиғлатганман. Эслайсизми?» — дея мурожаат қилди хонанда. Бу самимий гаплар барча мухлисларнинг юрагини ларзага солди.

Озода Нурсаидова эса ўз навбатида, Шаҳноза билан боғлиқ хотираларни эслаб шундай деди: «Эсимда, ўшанда мани олдимга келганда, у 15 ёшли кичкина қиз эди». Бу сўзлар орқали устоз-шогирд муносабатларининг қалбларга яқин ва самимийлиги яна бир бор намоён бўлди.

Икки машҳур хонанданинг бу илиқ учрашуви ва самимий мулоқоти концертга ташриф буюрган мухлислар учун чин маънодаги сюрприз бўлди. Томошабинлар икки юлдузнинг самимий ва самимиятга тўла мулоқотидан завқ олиб, уларни гулдурос қарсаклар билан олқишлашди.

Мазкур лаҳза концертнинг энг унутилмас ва ёрқин воқеаларидан бири сифатида барча мухлисларнинг хотирасида узоқ вақт қолиши шубҳасиз. Озода Нурсаидова ва Шаҳноза Отабоеванинг бу самимий учрашуви икки авлод хонандаларининг ўзаро меҳри ва ҳурматини яна бир бор тасдиқлади. «Замин»ни Telegram’да ўқинг!