Эндиликда Ўзбекистонда ўтказиладиган концерт ва томоша тадбирларида фонограммадан фойдаланиш ҳолати албатта олдиндан маълум қилинади. Амалдаги қонунчиликка мувофиқ, агар жонли ижро эмас, балки фонограмма қўлланилса, тадбир рекламаларида бу ҳақда аниқ ва равшан ахборот берилиши шарт.
Яъни, ҳар қандай концерт, шоу ёки маданий тадбир афишаларида фонограммадан қай даражада фойдаланилиши кўрсатилиши керак. Бу томошабинни олдиндан хабардор қилиш ва уларнинг ишончини қозонишга хизмат қилади.
Бундан ташқари, тадбир ташкилотчилари томоша бошланишидан аввал бу ҳақда махсус аудиомурожаатни тарқатишни ҳам таъминлашлари лозим бўлади. Яъни, саҳнада реал вақтда ижро бўлмаслиги ҳақидаги маълумот саҳна ёритилиши билан бирга эшитилиши шарт.
Мазкур тартибнинг жорий этилиши санъат соҳасида шаффофликни ошириш, томошабинларни алдамаслик ва фойдаланувчи ҳуқуқларини ҳимоя қилиш мақсадида амалга оширилмоқда.
Мутахассислар фикрича, бу қоида нафақат санъатга бўлган ишончни мустаҳкамлайди, балки жонли ижрони қадрлашга ҳам туртки беради. Тадбир ташкилотчилари эса энди бундай ахборотни бермаслик ёки яшириш ҳуқуқига эга эмас.
Қисқаси, концерт ва томошаларга бораётган фуқаролар энди уларни нима кутяпти — жонли ижро ёки фонограмма — ҳақида олдиндан аниқ маълумотга эга бўлишлари мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
