Юлдуз Усмонова концертда хуштакбозликка кескин жавоб қайтарди — зални ҳайратга солди
Хонанда Юлдуз Усмонова ўзининг навбатдаги концертида мухлисларнинг хуштакбозлигига кескин муносабат билдирди. У саҳнадан туриб, ота-она қадрини билиш ва улар тириклигида эътибор қаратиш лозимлигини таъкидлади. Хонанданинг бу очиқ ва дадил чиқиши залда дастлаб жимликка, сўнгра эса кўплаб томошабинларнинг қарсакларига сабаб бўлди.
Хонанда Юлдуз Усмонова концерт давомида юзага келган кутилмаган ҳолатга кескин ва очиқ муносабат билдирди. У гапини якунлаганидан сўнг, залдан айрим мухлисларнинг хуштак чалган овозлари эшитилди.
Шундан сўнг хонанда уларга қарата ўз фикрини дадил ифода этди ва саҳнадаги муҳитга нисбатан муносабат билдирди. Унинг сўзлари залда катта эътибор ва баҳсли реакцияга сабаб бўлди.
Унинг айтганлари қуйидагича янгради:
“Мен латифа айтаётганим йўқ, хуштак чаладиган. Агар ота-онангиз ҳаёт бўлишса, уларнинг қадрига етиб, оёқларини ўпиб келинг. Ўша хуштак чалган оғизларингиз билан. Шунда тўғри иш қилган бўласиз. Ўлгандан кейин ҳаммамиз йиғлаймиз, биз нега шундай қиламиз?”
Хонанданинг бу кескин чиқишидан сўнг залда бир зум жимлик ҳукм сурди, кейин эса кўплаб томошабинлар уни қарсаклар билан қўллаб-қувватлашди.
Изоҳлар 0
…