"Gangnam Style" қўшиғи билан дунё миқёсида машҳурликка эришган хонанда Psy ҳозирда тергов остида. У ноқонуний равишда тақиқланган дориларни қўлга киритганликда гумон қилинаётгани ҳақида Yonhap ахборот агентлиги хабар берди.
Маълумотларга кўра, санъаткор 2022 йилдан буён уйқусизлик ва хавотирни камайтирувчи дориларни расмий тартибда эмас, балки ноқонуний йўл билан сотиб келган. Қўшиқчи мутахассис билан шахсан маслаҳатлашмаган, бироқ мунтазам равишда Сеулдаги хусусий шифохоналардан дори олгани айтилмоқда.
Хонанда вакиллари унинг уйқусизлик ва асабийликдан азият чекишини тан олган ҳолда, дори-дармонларни қабул қилганини билдирди. Уларнинг сўзларига кўра, Psy шифокор билан келишган, бироқ рецепт ёзилмаган. Баъзи ҳолларда дори воситаларини учинчи шахслар санъаткор номидан олиб бергани таъкидланди.
Сеул полицияси хонанда ва унинг шифокорини қўлга олган. Шифокор эса ўзига қўйилган айбловларни инкор этиб, барча маслаҳатлар онлайн тарзда ўтказилганини билдирди.
«Замин»ни Telegram’да ўқинг!