1609 йилда зарб қилинган испан олтин тангаси Женевадаги Numismatica Genevensis SA кимошди савдосида 3,49 миллион долларга сотилди. Бу ҳақда Reuters хабар бермоқда.
339 граммлик танга Испаниянинг Сеговия шаҳрида қирол Филипп III даврида ишлаб чиқарилган. Усталар уни Янги дунёдан жаҳонгирлар олиб келган олтиндан зарб қилишган.
1609 йилда Испания қироли Филипп III учун зарб қилинган йирик олтин танга барча рекордларни янгилади ва душанба куни Швейтсарияда сотувда Европадаги энг қиммат тангага айланди.
Аукцион уйи асосчиси Ален Бароннинг сўзларига кўра, танга қироллик бойлиги ва ҳокимиятининг рамзи сифатида яратилган. Унинг қийматини ўша даврдаги инсоннинг кўп йиллик иш ҳақи билан таққослаш мумкин эди.
Танга бир неча асрлар давомида йўқолган. Тахминан 1950 йилда у АҚШга бориб қолди, у ерда уни Ню-Ёрклик коллекционер сотиб олди ва ўн йилдан сўнг испан харидорига сотди. Кейинчалик у ким ошди савдосида шахси ошкор этилмаган бошқа коллекционерга сотилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
