NDTV’нинг ёзишича, машҳур актриса Ванесса Ҳаҗенс ва унинг турмуш ўртоғи, бейсболчи Кўл Такер иккинчи фарзандини дунёга келтиришди. Жуфтлик ушбу қувончли хабарни ижтимоий тармоқда баҳам кўрган.
Ҳаҗенс Instagram саҳифасида чақалоқни бағрига босган суратини жойлаб, оналик туйғуларини самимий сўзлар билан ифода этди. У: “Биз яна ота-она бўлдик. Ҳаммаси жуда гўзал, шукур қиламан”, — деб ёзди.
Бу жуфтлик 2021 йилдан буён бирга ва 2023 йилда турмуш қуришган. Улар 2022 йили биринчи фарзандларини дунёга келтиришган эди. Энди эса ҳаётларига яна бир фариштанинг қўшилгани билан бахтларини баҳам кўришмоқда.
Мухлислар ва дўстлари изоҳларда самимий табриклар қолдиришмоқда. Кўпчилик Ванессанинг оналик юзидаги табассум ва ёруғ туйғуларни алоҳида таъкидлаган.
Ҳозирча чақалоқнинг жинси ва исми ошкор қилинмаган. Аммо жуфтлик тез орада бу ҳақда алоҳида маълумот беришлари мумкин.
Ванесса Ҳаҗенс “High School Musical” орқали катта шуҳрат қозонган актриса сифатида танилган. Кўл Такер эса АҚШда машҳур бейсболчи ҳисобланади. Уларнинг оилавий ҳаёти ҳам оммавий ахборот воситалари ва мухлислар эътиборида бўлиб келган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
