Гулилола Мажидованинг ҳаётидаги энг бахтли кун: эгизак ўғиллари 1 ёшда
Гулилола Мажидованинг эгизак ўғиллари бир ёшга тўлди. Актриса 26 декабр куни Instagram саҳифасида фарзандларининг туғилган куни муносабати билан самимий сурат жойлади. У 26.12.2024 санасини ҳаётидаги энг бахтли кун деб атаб, эгизак ўғилларни насиб этгани учун Оллоҳга шукр билдирди. Мухлислар Гулилола Мажидова ва унинг фарзандларини табриклаб, эзгу тилаклар йўллади.
Актриса Гулилола Мажидова учун 26 декабрь санаси алоҳида аҳамиятга эга. Айнан шу куни, ўтган йили, у илк бор она бўлиб, ҳаётида унутилмас ва қувончли саҳифа очилган эди.
Кеча актриса ўзининг Instagram саҳифасида эгизак фарзандлари бир ёшга тўлгани муносабати билан илиқ ва самимий сурат жойлади. Ушбу сурат қисқа фурсатда мухлислар эътиборини тортиб, кўплаб табриклар ва эзгу тилакларга сабаб бўлди.
Расм остида Гулилола Мажидова ўз ҳис-туйғуларини қуйидаги сўзлар билан ифода этди:
“26.12.2024. Менинг энг бахтли кунимга бир йил бўлди. Алҳамдулиллаҳ, эгизак ўғилларни насиб этган Оллоҳимга минг шукр!”
Актрисанинг бу самимий изоҳи унинг она бўлиш бахтини, шукроналик ва қувончга тўла кайфиятини яққол намоён этди. Мухлислар эса актрисани ва унинг эгизак фарзандларини ушбу қувончли кун билан самимий табрикламоқда.
Изоҳлар 0
…