Hyrule Warriors: Age of Imprisonment ўйини ортидаги ижодий жараён тафсилотлари маълум бўлди. Лойиҳа продюсерлари Йосуке Хаяши ва Рёта Мацушита япон ОАВига берган интервьюларида кутилмаганда ташаббус Nintendo’дан эмас, айнан Koei Tecmo’дан чиққанини таъкидлади. Бу ҳақда playground.ru хабар беради.
4Gamer билан суҳбатда Хаяши Tears of the Kingdom чиққангач, ўйиннинг ўзи гўё “Қамоқ уруши” даврида кечадиган Warriors услубидаги спин-офф яратишга ундаётгандек туюлгани ҳақида гапирди. У бу фикрни дарҳол Мацушита билан бўлишган, “Келинг, шуни қиламиз!” деган қарорга келишиб, режани тезда қоғозга туширишган.
Мацушита эса Warriors учун “уруғлар” аллақачон турли элементлар кўринишида тарқаб ётганини, айрим ғояларни у олдиндан ҳам пишитиб қўйганини айтди. The Legend of Zelda продюсери Эйжи Аонума Nintendo жараённи синчиклаб кузатиб борганини, бироқ аввал Koei Tecmo’нинг муносабатини кутишни таклиф қилганини тасдиқлади. Якунда студиянинг ўзи алоқага чиқиб, лойиҳани бошлаб берган.
Натижада Age of Imprisonment Nintendo жамоасининг концептлари ва Koei Tecmo ташаббуси уйғунлашган лойиҳа сифатида шаклланди: Zelda’нинг бой олами Warriors сериясига хос шиддатли жанглар билан қўшилади. Ўйинчиларни таниш жанг механикаси ва Қамоқ уруши воқеаларига боғланган янги ҳикоя кутмоқда.
“Zamin”ни Telegram'да ўқинг!
