«Барселона» Мадридда «Атлетико»ни мағлубиятга учратди ва 1-ўринга кўтарилди

Испания чемпионатининг 24-туридан ўрин олган "Атлетико" ҳамда "Барселона" клублари ўртасидаги учршув ниҳоясига етди.

Унда 1:2 ҳисоби қайд этилиб, каталонияликларнинг ғалабаси билан якунланди.

Ўйин кутилганидек шиддатли ҳужумлар билан бошланди. Жамоалар биринчи бўлимда дарвозалар даҳлсизлигини сақлаб қола олишди.

Иккинчи бўлимда, аниқроғи 64-дақиқа Рафинья "Барса"ни олдинга олиб чиқди. Аммо, орадан олти дақиқа ўтар-ўтмас Годин ҳисобни тенглаштирди.

Аммо, Месси бу кеча барибир ўз сўзини айтди ва 86-дақиқада жуда муҳим голни уришга эришди.

Шу тариқа "Барселона" навбатдаги ғалабани қўлга киритди ва уч очкога эга бўлди.

Испания чемпионати, 24-тур
Атлетико – Барселона 1:2
Голлар: 0:1 – 64 Рафинья, 1:1 – 70 Годин, 1:2 – 86 Месси.
Атлетико – Облак, Савич, Филипе Луис, Врсалько, Годин, Габи, Сауль, Коке, Феррейра Карраско (Торрес, 68), Гризманн, Гамейро (Корреа, 72).
Барселона – тер Стеген, Умтити, Пике, Матье (Динь, 77), Серджи Роберто (Андре Гомеш, 85), Рафинья, Бускетс, Иньеста (Ракитич, 71), Неймар, Месси, Суарес.
Огоҳлантиришлар: Бускетс (55), Сауль (56), Савич (65), Габи (73), Корреа (74), Месси (82).

Янгиликлар