Мафтуна Холмуродова турмушга чиқмоқда: куёв ким ўзи?
Хонанда Мафтуна Холмуродова “Омон-Омон” кўрсатувида турмушга чиқаётганини расман тасдиқлади. У ижтимоий тармоқлардаги суратлари орқали келажакдаги турмуш ўртоғини кўрсатди. Хонанданинг дугонаси куёв ўзбек эканлигини маълум қилди, бироқ унинг исми ва шахсияти ҳозирча сир сақланмоқда. Ушбу янгилик мухлислар орасида катта қизиқиш уйғотди.
Хонанда Мафтуна Холмуродова (Шакира) “Омон-Омон” кўрсатувида мухлисларини ҳайратга соладиган янгиликни ошкор қилди. У турмушга чиқаётганини расман тасдиқлади.
Кўрсатув давомида бошловчилар хонандадан: “Кутилган тўй бўляптими, ростдан ҳам?” дея сўрашди. Мафтуна эса табассум билан: “Ҳа, янгилик бор. Мана қўлимда ҳам узугим бор. Instagram саҳифамга ҳам бу ҳақида жойлаганман”, — дея жавоб берди.
Бошловчилар хонанданинг ижтимоий тармоққа жойлаган суратини кўрсатиб, ундаги йигит айнан куёв эканини аниқлаштиришди. Мафтуна бу саволга қисқа қилиб: “Ҳа, шу”, — дея тасдиқ берди.
Шундан сўнг куёвнинг кимлиги ҳақида саволлар ёмғирдек ёғила бошлади. “У туркияликми ёки ўзбекми?” деган саволга хонанданинг дугонаси Азиза жавоб бериб: “Йўқ, туркиялик эмас, ўзбек — ўзимиздан”, — дея аниқлик киритди.
Бироқ куёвнинг исми ва қаердан эканлиги ҳақида хонанда ҳозирча ошкор қилишни истамади. “Ҳозирча сир, кейин биласизлар”, — дея бу мавзуни очиқ қолдирди.
Мазкур янгилик ижтимоий тармоқларда тезда тарқалиб, мухлислар орасида катта қизиқиш уйғотди. Энди эса кўпчиликни битта савол қийнамоқда: хонанданинг сирли куёви ким?
Изоҳлар 0
…