21:22 / 29.09.2018
6 122

2000 йилдаги қонли воқеалар тасвирланган фильмнинг премьераси бўлиб ўтди

2000 йилдаги қонли воқеалар тасвирланган фильмнинг премьераси бўлиб ўтди
2000 йили Сурхондарё вилояти Сариосиё ва Узун туманларида юз берган қонли воқеалар тасвирланган “Ҳаёт” бадиий фильмининг премьераси бўлиб ўтди. Уни “Ўзбеккино” миллий агентлиги “Ватан” киностудиясида режиссёр Ҳилол Насимов суратга олган.

Фильмнинг премьераси аввалида ҳарбий оркестр ижросидаги куй-қўшиқлар янгради.

Янги киноасар ватан тинчлиги ҳамда хавфсизлигини таъминлаш мақсадида мамлакат чегараларида собит турган аскарларнинг қаҳрамонлиги ҳақида. У чегарани бузиб ўтган террорчи гуруҳларга қарши курашиб ҳалок бўлган ўзбек аскарларининг хотирасига бағишланган.

Премьера олдидан жасорат кўрсатиб ҳалок бўлган аскарларнинг оила аъзолари саҳнага таклиф этилиб, эсдалик совғалари топширилди.

Фильмда Ҳаёт исмли аскар йигит бўлиб, у тўйи кезлари Фарғонадан Тошкентга бошлиқларини тўйга айтмоқчи бўлиб келади, лекин фавқулодда жанг бошланиб қолади ва таътилда бўлишига қарамай Ҳаёт ҳам урушга жалб этилади. Асосий воқеалар шундан кейин бошланади.

“Ҳаёт” фильмини 29 сентябрдан бошлаб барча кинотеатрларда томоша қилиш мумкин.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Маданият » 2000 йилдаги қонли воқеалар тасвирланган фильмнинг премьераси бўлиб ўтди