Халқаро танловда опера ижрочилиги бўйича хоразмлик ёш ижодкор 1-ўринни қўлга киритди

Қирғизистоннинг Бишкек шаҳрида ўтказилган халқаро танловда опера ижрочилиги бўйича Хоразмлик ёш ижодкор Аминзода Жуманиёзов 1-ўринни қўлга киритди.

Танловда Қозоғистон, Тожикистон, Беларусь, Россия ва бошқа бир қанча давлатларнинг 70дан ортиқ вакиллар иштирок этишди.

Бишкекда қўлга киритилган ғалаба туфайли Аминзода Кремлда ўтказиладиган “Романслар куни” гала-концертида бевосита иштирок этиш ҳуқуқини қўлга киритди.

Маълумот учун: Аминзода опера санъати бўйича бир қанча нуфузли, халқаро танловларда ғолиб бўлган, машҳур санъат усталари томонидан эътироф этилган, 2015 йилда Италиянинг Рим шаҳрида опера бўйича Фиесталония фестивалида 1-ўрин соҳиби бўлган. 24 ёшни қарши олган ижодкор ҳозирги кунда Ўзбекистон давлат консерваториясининг 4-босқич талабаси ҳисобланади.