Муниса Ризаева беллашувга чорламоқда: Ўзбекистонлик машҳур санъаткорлар болалигида қандай бўлган? (фото)

^{Фото: «Podrobno.uz»}

Хонанда Муниса Ризаева болалик суратларини интернетда эълон қилиш билан боғлиқ беллашув бошлади, дея хабар бермоқда «Podrobno.uz».

«Мен болалар суратлари флешмобини йўлга қўймоқдаман ва сизни беллашувга чорлайман», — деб Instagram’да ёзиб қолдирган Муниса Ризаева Нилуфар Усмонова, Райҳон Ғанева, Лола Йўлдошева, Шаҳзода, Улуғбек Раҳматуллаев ва Шоҳруххон каби ҳамкасбларининг аккаунтларини белгилаб чиқди.

Муниса Ризаева ўзининг болалик фотосуратига шундай изоҳ қолдирган: «"Тувак остида" соч турмаклари модаси мен кичкинтойни ҳам четлаб ўтмаган».

Ушбу беллашувда бир қатор ўзбек шоу-бизнеси юлдузлари қатнашиб улгуришди. Хусусан, Шаҳзода ва Райҳон Ғаниева ўз болалик суратларини Instagram’да эълон қилишди.