3 676
Жаҳонгир Отажонов, Абдулла Қурбонов ва яна икки санъаткорнинг лицензияси қайтариб берилди
Жамоатчиликнинг кескин норозилиги ортидан «Ўзбекконцерт» Жаҳонгир Отажоновнинг икки кун олдин бекор қилинган лицензиясини тиклашга мажбур бўлди.
Айрим сабабларга кўра «Ўзбекконцерт» томонидан лицензияси муддатидан олдин тўхтатилган санъаткорлар Жаҳонгир Отажонов, Абдулла Қурбонов, Шаҳло Аҳмедова ва Ҳалима Ибрагимовага ижодий фаолиятини давом эттириш учун рухсат берилди.
Kun.uz нашрининг хабар беришича, бу ҳақда чоршанба куни «Ўзбекконцерт»да бўлиб ўтган навбатдан ташқари йиғилишда маълум қилинган.
«Улар бундан буён ўз ижодларини ривожлантириш ва халқимизга астойдил хизмат қилишларини маълум қилганликлари сабаб уларнинг вақтинча олиб қўйилган ва тугатилган лицензияларини қайтарганлигимизни маълум қиламиз», – деди муассаса директори Одилжон Абдуқаҳҳоров.
«Ўзбекистон Республикаси президентининг санъат аҳлига бўлган ғамхўрликлари, кечиримлилиги ҳамда эътибори соҳа ходимларига албатта бемисл куч-ғайрат бахш этади. Бундай эътиборни эса асл санъат намуналарини яратиш, халқимизга астойдил хизмат қилиш билангина жавоб қайтаришимиз лозим», деб қўшимча қилди у.
Эслатиб ўтамиз, хонанда Жаҳонгир Отажоновнинг лицензияси икки кун олдин, 14 октябрда тугатилган эди. «Ўзбекконцерт»нинг бу ҳақдаги баёнотида Отажонов «ўзининг маънавий қадриятларимизга мутлақо ёт бўлган номуносиб ҳаракатлари орқали муассаса билан тузилган лицензия битими талаб-шартларини мунтазам равишда бузиб келгани» айтилганди. Давлат муассасасининг бу қарор ва баёноти ижтимоий тармоқларда қизғин муҳокамаларни келтириб чиқарди.
Хонанда Абдулла Қурбонов эса шу йил май ойида, қизиқчи Ҳалима Ибрагимова февралда лицензиясидан маҳрум бўлганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
“Толибон” Афғонистоннинг Хост вилоятида беш нафар фуқарони қамчи билан жазолади
Испания ва Греция Киевга Patriot тизимларини етказиб беришдан бош тортди
Мария Захарова украиналикларни Америка ҳиндуларига ўхшатди
Зоир Мирзаев “Телефонсиз мактаб”га 300 млн сўм мукофот берди
Учар автомобил йўловчи билан биринчи парвозини амалга оширди (видео)
Руслар Abrams танкларининг заиф томонини топишди