15:53 / 12.12.2019
28 823

Юлдуз Усмонованинг туғилган кунига эри BМW Х7 совға қилди (видео)

Юлдуз Усмонованинг туғилган кунига эри BМW Х7 совға қилди (видео)
Ўзбекистон ва Қорақалпоғистон халқ артисти Юлдуз Усмонова бугун, 12 декабрь куни туғилган кунини нишонламоқда. Юлдуз Усмонованинг туғилган кунига продюсери ва турмуш ўртоғи Мансур Агалиев BМW Х7 совға қилди.

Кўчада шунақа русумли машинани кўрса ҳавас қиларди. Шу сабабли қўлимиздан келганича кутилмаган совға тайёрлашга ҳаракат қилдик. Ҳали совғадан Юлдуз Усмонованинг хабари йўқ. Аслида бундан ҳам каттароқ совғага лойиқ, бу йил шуни олдик, кейинги йил Худо подшоҳ. Бу маълумотни ОАВларига чиқариш ниятим йўқ эди, табриклаш учун келган экансиз, шунга маълум қиляпман, - дейди турмуш ўртоғи Мансур Агалиев.

Ўзбекистон халқ артисти Юлдуз Усмоновани 11 декабрдан 12 декабрга ўтар кечаси қизиқчи Ҳалимахоним, қизи Нилуфар Усмонова, Милена Мадмусаева ва яна бир қанча ҳамкасблари, созанда ва яқинлари келиб табриклашди. Туғилган кун маросими жонли ижрода куйланган қўшиқлардан иборат кичик концертга айланиб кетди.

Фото: Instagram
Кечада Юлдуз Усмонованинг 2020 йилнинг 10 —25 март кунлари «Халқлар дўстлиги» санъат саройида бўлиб ўтиши режалаштирилган янги концерт дастурида куйланадиган тўртта янги қўшиғининг ҳам премьераси бўлиб ўтди.

Маълумот учун, Юлдуз Усмонова 1963 йилнинг 12 декабрь куни Марғилон шаҳрида таваллуд топган. Санъаткорнинг отаси Ўраимохун Усмонов ва онаси Раҳимахон Акбарова Марғилон ипак комбинатида ишлаган ва саккиз нафар фарзандни тарбиялаган. Юлдуз Усмонова оилада олтинчи фарзанд.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Юлдуз Усмонованинг туғилган кунига эри BМW Х7 совға қилди (видео)