Якунланаётган йилда шоу-бизнес вакилларининг кўпчилиги ота-она бўлиш бахтига мушарраф бўлишди. 2022 йилда она бўлишни режалаштираётган санъат вакиллари ҳам бисёр. Уларнинг айримлари билан таништирамиз.
Асал Шодиева
Фото: Instagram / @asalshodieva
2020 йилнинг сентябрь ойида илк бор она бўлган актриса Асал Шодиева яна ҳомиладор. Оиланинг тўнғич фарзанди Муҳаммадюсуф 2 ёшга тўлган. Актриса айни дамда турмуш ўртоғи Шоҳруҳхон билан Туркияга сафар қилган. Миш-мишларга қараганда, Асал Шодиева иккинчи фарзандини Истанбул шаҳридаги хусусий туғруқхонада дунёга келтирмоқчи.
Баҳора Арслонова
Фото: Instagram / @bahora_arslonova
Актриса айни дамда беш ойлик ҳомиладор. У 2021 йилнинг январь ойида қизи Волидахонни дунёга келтирганди. Режалаштирилмаган ҳомиладорлик актриса ва унинг оила аъзоларини қувонтирган. Актрисанинг айтишича, иккинчи фарзанди апрель ойида дунёга келади.
— Навбатдаги ҳомиламни ўғил дейишяпти. Иккинчи ҳомиладорлигим у қадар қийин кечмади. Ёшига тўлмаган фарзандим билан қийналаман, деб ўйлагандим. Кўз тегмасин, ҳаммаси осон кечяпти, — дейди актриса Баҳора Арслонова.
Дилсўз
Фото: Instagram / @dilsoz_singer_new
Хонанда Дилсўз тўртинчи фарзандини дунёга келтиришга тайёргарлик кўрмоқда. У илк фарзанди Дилсўзни (хонанда қизига тахаллусини исм сифатида қўйган) 2015 йилнинг октябрь ойида дунёга келтирган. Ундан кейин 2017 йилда яна қизлик, 2019 йилда эса ўғил фарзандли бўлган.
— Болалигимдан серфарзанд оналарга ҳавас қилганман. Насиб қилса, Янги йилда тўртинчи бор оналик бахтига эришаман. Ўйлайманки, яратган ўғлимни укача билан сийлайди, — дейди хонанда Дилсўз.
Ҳувайдо Жумаева
Фото: Ҳувайдо Жумаева шахсий архивидан
Ўзбекистон давлат Сатира театри актрисаси Ҳувайдо Жумаева тўртинчи фарзандига ҳомиладор. У илк фарзанди Мавлонбекни 2010 йилда, қизи Моҳизарни 2015 йилда, Муҳаммадаминни эса 2020 йилда дунёга келтирганди.
— Қизимни иккита қилай, деб ният қилдим. У укаси Муҳаммадамин туғилганда сингил олиб келмаганим учун бироз ранжиганди. Насиб қилса, баҳорда фарзандларим сони яна биттага кўпаяди. Туғруқдан кейин бироз дам олиб, яна ижодга қайтаман, — дейди актриса.
Дилноза Исмияминова
Фото: Instagram / @dilnoza.исмияминова
Эшитишимизча, хонанда Дилноза Исмияминова ҳам ҳомиладор, аммо у негадир буни инкор этди. Унинг ҳозирча Умиджон исмли ўғли бор.
— Ҳомиладор бўлишни чин кўнгилдан истайман. Қанийди, ўғлимнинг ширин укаси ёки синглиси бўлса. 2022 йилда яна бир карра она бўлиш ниятидаман. Келаётган йилдан умидларим катта, — дейди хонанда Дилноза Исмияминова. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
