Хабарингиз бор, 23 апрель куни профессионал бокснинг ўта енгил вазн (50,8 кг) тоифасида фаолият юритаётган ҳамюртимиз Олимжон Назаров (28-5,15КО) Вьетнамда навбатдаги жангини ўтказиб, ўзига тегишли бўлган WBO Oriental камарини Филиппин вакили Херма Болорадан муваффақиятли тарзда ҳимоя қилган эди. Тўлиқ 10 раунд кечган жангда юртдошимиз очколар ҳисобида устун келди.
Боксчимиз жамоаси билан куни кеча юртимизда қайтиб келди. Биз ушбу "Кичик Тайсон" номи билан машҳур юртдошимиз билан боғланиб, унинг ўтказган жанги борасида ва келгуси режалари билан қизиқдик.
- Аввало, ғалаба билан табриклаймиз!
- Раҳмат.
- Назаримда фаолиятингиздаги энг қийин жанглардан бирини ўтказдингиз?
- Албатта, ҳар бир жанг қийин ўтади. Бу сафар ҳам осон кечмади. Рақибим жуда тезкор ва ёш эди. Қолаверса, рингга мослашиш бироз қийин кечди. Шундай бўлса-да, мураббийларни кўрсатмаларига мувофиқ режа билан ҳаракат қилган ҳолда, ғалабага эришдик.
- Баъзан мана шундай тўлиқ ўтган баҳслар катта жанглар олдидан фойдали бўлиши мумкин?
- Тўғри, лекин керакли хулосаларни чиқарган ҳолда, навбатдаги жангим рейтингми, ҳимоями ёки жаҳон чемпионлик камари учун бўладими, муддатидан аввал ғалаба қозонишга ҳаракат қиламан.
- Навбатдаги жангингиз WBO жаҳон чемпионлик камари учун бўлиши мумкинми?
- Мумкин. Промоутерларимиз бу борада ишларни бошлаб юборишган. Агар, чемпион япониялик Дзунто Накатанини промоутерлари билан келиша олишса, кейинги жангим чемпионлик учун бўлади.
- Бироқ, сиз WBO рейтингида 5-ўриндасиз, сиздан аввал Сеиуго Акуи, Кристиан Гонсалес, Жексон Чауке, Рикардо Сандавал каби боксчилар бор?
- Нима демоқчи бўлганингизни тушундим. Ушбу жангимдан сўнг, янгиланган рейтингда 1 ёки 2 - ўринга кўтарилишимни айтишди. Умуман олганда кучли 5 таликдан ўрин олган боксчиларда бундай имкониятлар бўлади.
- Ҳозирда 37 ёшни қарши олдингиз, барибир ёш ҳам ўз таъсирини кўрсатади. Айниқса, енгил вазн тоифаларида бу яққол билинади. Режалари қандай?
- WBO жаҳон чемпионлик камарини қўлга киритишга қадар жанг қилаверамиз. Бу бош мақсадимиз. Яна шуни алоҳида таъкидлаб ўтишим керакки, Накатанини промоутерлари билан келиша олсак, ушбу чемпионлик жангимни Тошкентда ўтказишим мумкин.
- Бу борада сизга омад тилаймиз!
- Раҳмат. Насиб қилса, нуфузли чемпионлик камарини қўлга киритиб, барчани хурсанд қиламан, деган умиддаман. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Блинкен Исроилдан учта муаммони ҳал этишни талаб қилди
Рақобат қўмитаси биржада Аи-80 бензини бошланғич нархига чеклов ўрнатди
АҚШ Исроилнинг икки вазирига санкция қўлламоқчи
Ҳар қандай катта ёшдаги киши етук эмас
Боррел ЕИнинг Исроил билан мулоқотини тўхтатишни таклиф қилди
Кремль Украина бўйича музокарада шартлар қўйишга уринмоқда
