Предраг Роган: "Рақиб бир неча бор спортга нолойиқ ҳаракатларни амалга оширди"

Суперлиганинг 8-туридан ўрин олган "Динамо" – "Навбаҳор" (0:1) учрашувидан сўнг мезбонлар бош мураббийи Предраг Роган фикрларини билдириб ўтди.

"Илк марта рақиб жамоани ғалаба билан табриклай олмайман. Гувоҳи бўлганингиздек, ўйин тенгма-тенг руҳда ўтмади. Ўйлашимча, рақиб фейр-плейга амал қилмади. Билмадим, улар спортни қандай тасаввур қилишади. Спортда рақибга ҳурмат бўлиши керак. Рақиб эса бир неча бор спортга нолойиқ ҳаракатларни амалга оширди. Бошқа гапим йўқ", - дейди "Динамо" бош мураббийи.