Дунёнинг энг зўр тўрт ҳимоячиси бизда ўйнайди!

“Ливерпуль” бош мураббийи Юрген Клопп дунёнинг энг зўр тўрт марказий ҳимоячиси унинг қўл остида тўп сураётганини таъкидлади.

Германиялик мутахассис мудофаа чизиғи вакиллари – Виржиль ван Дейк, Жоэл Матип, Жо Гомес ва Иброҳим Конатени ўз амплуаси бўйича энг зўр ўйинчилар, деб эътироф этмоқда.

- "Таркибимизда футбол оламининг энг зўр тўрт марказий ҳимоячиси бор. Шунингдек, чап ва ўнг қанотдаги ўйинчиларимиз ҳам энг яхшилардан ҳисобланади. Шунингдек, Цимикас ва Рэмзи каби ўйинчиларимизни ҳам ҳисобдан чиқарманг", - деди Юрген Клопп.

“Ливерпуль” ўтган мавсумда 38 та учрашувда атиги 26 та гол ўтказди. Бу чемпион жамоа – “Манчестер Сити”ники билан бир хил кўрсаткич.

Янгиликлар