Хориж нашри: Жалолиддин Машарипов бошқа чемпионатга йўл олди

Саудия Арабистонининг "Ал-Насср" клуби футболчиси, ҳамюртимиз Жалолиддин Машарипов атрофидаги хабарлар кўпаймоқда.

Ўзбекистон миллий терма жамоаси аъзоси Бирлашган Араб Амирликларининг "Шабаб Ал Аҳли" жамоасига ўтмоқда. Бу ҳақда "Dubaisports.ae" портали "Al-Ittihad" нашрига таяниб хабар берди.

Манбанинг маълум қилишича, аввал ҳам шу жамоада ижара асосида тўп тепган Машариповнинг ўйинлари клуб раҳбариятига маъқул келгани боис у билан 3 йиллик шартнома борасида келишиб олинган. Нашр шуни қўшимча қилмоқдаки, трансфер яқин орада эълон қилиниши кутилмоқда. «Замин»ни Telegram’да ўқинг!