Ногирон-ампутантлар ўртасидаги ЖЧ-2022. Туркия мундиал чемпионлигини қўлга киритди

Туркиядаги 17-жаҳон чемпионати ўз ниҳоясига етди. Финал “Галатасарой” стадионида бўлиб ўтди ва унда мезбонлар 4:1 ҳисобида Анголани таслим этиб, илк бор дунёнинг энг яхши жамоасига айланишди.

Маълумот ўрнида, Туркия бунгача 4 марта бронза (кетма-кет 2007, 2010, 2012, 2014) медалини қўлга киритган ва ўтган жаҳон чемпионатида финалда Анголага пенальтилар сериясида имкониятни бой берганди. Евро-2021 финалида эса Испанияни 6:0 ҳисобида енгиб, қитъа биринчилигида бош совринга эга чиққан.


Ўзбекистон терма жамоаси эса Гаитини 4:2 ҳисобида енгиб, учинчи ўринни қўлга киритди. Вакилларимиз бунгача 1990 (АҚШ), 1991 ( Ўзбекистон), 2007 (Туркия). 2010 (Аргентина) ҳамда 2012 (Россия) йилги жаҳон чемпионатларида олтин медалларига эга чиқишган бўлса, 1988 (кумуш) ва 2002 йилги (бронза) мундиалнинг совринли ўринларни банд этишганди.
«Замин»ни Telegram’да ўқинг!