«Бунёдкор» ўз майдонида «Пахтакор»ни йирик ҳисобда мағлуб этди

  • 29 апрель 2016, 21:01
  • 4 282
  • Спорт
  • «Бунёдкор» ўз майдонида «Пахтакор»ни йирик ҳисобда мағлуб этди

    Ўзбекистон чемпионати 7-тури доирасида «Бунёдкор» клуби ўз майдонида «Пахтакор»ни қабул қилди ва йирик ҳисобда ғалабага эришди.

    Учрашувда 3:0 ҳисоби қайд этилди. Голларнинг барчаси иккинчи бўлимда киритилди. Аввалига Жамшид Болтабоев қўли билан ўйнаган вазият учун белгиланган пеналтини Достонбек Ҳамдамов голга айлантирган бўлса, бир дақиқа ўтар-ўтмас дарвозабон Рибкин хатога йўл қўйгач Ўринбоев тўпни узоқдан ҳаволатиб бўш қолган дарвоза томон йўллади. Бу вазиятда Аднан Ораховац тўпни бош билан қайтаришга бўлган уринишда ўз дарвозасига жойлаб қўйди.

    Учинчи гол эса 88-дақиқада Элдор Шомуродов ҳисобига ёзилди. Ёш ҳужумчи тезкор қарши ҳужумдан сўнг ҳисобни йирик кўринишга келтириб қўйди.

    Олий лига
    7-тур
    «Бунёдкор» – «Пахтакор» - 3:0
    Голлар
    : Достонбек Ҳамдамов 56 (пеналти), Аднан Ораховац 57 (автогол), Элдор Шомуродов 88
    "Бунёдкор": Мурод Зухуров, Акмал Шораҳмедов, Акром Комилов, Шакер Зуаги, Жавлон Иброҳимов, Сато Минори, Элдор Шомуродов, Достон Ҳамдамов, Забиҳилло Ўринбоев, Рустам Ашурматов, Юрица Бульят.
    "Пахтакор": Никита Рибкин, Аднан Ораховац, Акбар Исматуллаев, Шерзод Каримов, Жалолиддин Машарипов , Игорь Сергеев, Даврон Ҳошимов, Азим Аҳмедов, Жамшид Болтабоев, Жавоҳир Соҳибов, Владимир Козак.
    Бош ҳакам: Азиз Асимив (Тошкент)
    Қанот ҳакамлари: Андрей Снетков (Янгийўл), Андрей Цапенко (Янгибозор)
    Захира ҳаками: Равшан Копадзе (Фарғона)
    Назоратчи: Арслон Хотамов (Тошкент)

    Манба: www.uff.uz

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » «Бунёдкор» ўз майдонида «Пахтакор»ни йирик ҳисобда мағлуб этди