Бабаян: "Биз "Бунёдкор"га ғалаба учун молиявий рағбатлантириш таклиф қилмаймиз"

"Металлург" - "Навбаҳор" ўйинидан (0:1) сўнг меҳмон жамоа устози Самвел Бабаян матбуот анжуманида иштирок этди.

- Хайрли кеч. Бугун биринчи навбатда ирода намойиш этиладиган ўйин бўлди. Йигитлар ғалаба жуда муҳимлигини кўрсатиб беришди. Футболчиларимиз бор кучини ишга солишди. Мухлисларни табриклайман, йигитлардан миннатдорман.

- Марушич нега алмаштирилди? Жасур Яхшибоев нега таркибда йўқ эди?
- Яхшибоев ҳақида тўхталадиган бўлсак, у касал. Сабаб шу. Марушич катта ишни бажарди. У чарчаганини кўрганимдан сўнг алмаштиришга қарор қилдим.

- Бугун Жокичнинг йўқлиги қай даражада сезилди?
- Йован Жокич биз учун муҳим футболчи, аммо Азим Аҳмедов бу позицияда муносиб ўйин кўрсатиб, у йўқлигини билдирмади.

- Сўнгги турда "Пахтакор" "Бунёдкор"га қарши ўйнайди. "Навбаҳор" ғалаба учун "Бунёдкор"га молиявий рағбатлантириш таклиф қилиши мумкинми?
- Йўқ. Биз бундай ишлар билан шуғулланмаймиз. "Навбаҳор" фақат ўзига эътибор қаратади. «Замин»ни Telegram’да ўқинг!