"Болонья" устидан қозонилган ғалаба Моуриньо учун қимматга тушди

Римнинг "Рома" клуби етакчилари Николо Дзаньоло ва ҳужумчи Пауло Дибала бироз олдин якунига етган А Сериянинг "Болонья"га қарши учрашувда жароҳат олди.

Жароҳатдан сўнг улар ўйинни давом эттира олишмади. Дастлаб 60-дақиқада Дзаньоло ўрнига Тэмми Абрахам майдонга тушди. У мураббийдан буни шахсан ўзи сўраган. 74-дақиқада эса Дибалани Эдоардо Бове алмаштирди. Жароҳат жиддийлиги ҳақида ҳозирча маълумот берилмаган.

Маълумот учун, 23 ёшли Дзаньоло жорий мавсум "Рома" сафида 15 та ўйинда майдонга тушиб, 2 та гол урди ва 3 та голли узатмага муаллифлик қилди. 29 ёшли Дибаланинг ҳисобида эса 13 та ўйиндаги 7 гол ва 2 та голли узатма мавжуд. «Замин»ни Telegram’да ўқинг!