Роналду бу кўрсаткич бўйича Мессидан узоқлашишда давом этади

Португалиялик ҳужумчи Криштиану Роналду ҳет-триклар сони бўйича етакчиликни давом эттирмоқда.

Саудия Арабистони чемпионатининг 18-туридан ўрин олган "Дамак"ка қарши беллашувда Криштиану ўз номига 3 та гол ёздириб қўйди.

Роналду ҳисобида ҳозирча 62 та ҳет-трик бор: улардан 52тасини клублар сафида киритган бўлса, қолган 10 тани эса терма жамоаси сафида.  ПСЖ ҳужумчиси Лионель Месси 56 та ҳет-трик билан иккинчи ўринда бормоқда.