Криштиано Роналдо Ал-Насср дурангидан сўнг тушкунликка тушди

Саудия Арабистони чемпионати доирасида Ал-Насср ва Ал-Ҳилал жамоалари ўртасидаги баҳс кутилмаган натижа билан якунланди. Учрашувнинг сўнгги дақиқаларида дарвозабон Бенто йўл қўйган қўпол хато туфайли Ал-Насср ғалабани қўлдан бой берди ва якуний ҳисоб 1:1 кўринишини олди. Бу ҳақда Goal.com хабар беради.

Криштиано Роналдо 83-дақиқада захирага олинганидан сўнг, захира ўриндиғида ўтириб, жамоасининг ғалабани бой берганини кўриб кўз ёшларини тия олмади. Португалиялик юлдуз учун бу дуранг чемпионлик байрамини ортга сурди ва у майдонда содир бўлган воқеалардан қаттиқ таъсирланди.

Ўйиндан сўнг ижтимоий тармоқлардаги саҳифаси орқали мурожаат йўллаган Криштиано Роналдо мухлисларни руҳлантиришга ҳаракат қилди. У чемпионлик орзуси ҳали ҳам яқин эканлигини ва жамоа олдинда турган сўнгги қадамни ташлашга тайёрлигини таъкидлади.

Эндиликда Ал-Насср чемпионликни расмийлаштириш учун Дамак ФК жамоасига қарши сўнгги тур учрашувида ғалаба қозониши шарт. Шунингдек, жамоани олдинда Гамба Осака клубига қарши Осиё Чемпионлар лигаси икки финали кутиб турибди.