“Рубин” ярим ҳимоячиси Умарали Раҳмоналиев яқинда Ўзбекистондан Россияга қайтгач, U-20 Осиё кубогини қўлга киритиб, жамоага келиб қўшилди. Умарали ушбу муҳим ғалабадан сўнг "Рубин" клуби матбуот хизматига қисқача интервью берди.
- Умар, Осиё Кубогидаги ғалабадан қандай ҳис-туйғуларни бошдан кечирдингиз?
- Ассалому алайкум ҳаммага! Аввало, барчани Рамазон ойининг бошланиши билан табриклайман! Осиё чемпионатида ғолиб чиққанимиздан жуда хурсандмиз. Бу йил мен ўз вазифаларимдан бирини бажардим, жуда муҳим вазифа қолмоқда - Россияда ҳам премьер-лигага қайтиш. Демак, олдинда жуда кўп ишлар турибди.
- Жамоага қандай кайфият билан қайтдингиз?
- Жуда ажойиб! Осиё чемпиони бўлгач, кубокни президентдан олдим ва уни бирга кўтардик - бу катта шараф.
- Бундай шиддатли турнирдан кейин чарчадингизми?
- Йўқ, аксинча, кучга тўла бўлиб қайтдим. Албатта, жуда кўп ҳис-туйғулар сарфладик. Биз куч тўплашимиз ва "Рубин" учун ўйинларга тайёргарлик кўришимиз керак.
- Турнирдан сўнг бир ҳафта ўтиб, майдонга тушиб, "Алания"га қарши ўйинда жамоага ёрдам беришга тайёрмисиз?
- Албатта. Мен биринчи расмий ўйинни ўтказишни жуда хоҳлардим ва хурсанд бўлардим. Аммо ФНЛда ҳар бир ўйин жуда қийин, шунинг учун "Алания" билан ўйин осон бўлмаслиги аниқ.
“Замин” янгиликларини “Одноклассники”да кузатиб боринг
