Сербиялик теннисчи Новак Жокович 11 июн, якшанба куни Франция Очиқ чемпионати (“Ролан Гаррос”) финал учрашувида норвегиялик спортчи Каспер Руудни (7:6 (7:1), 6:3, 7:5) мағлуб этди.
Сербиялик бу тоифада эркаклар ўртасидаги яккалик баҳсларида совринлар бўйича испаниялик Рафаел Надални (22) ортда қолдириб, рекордчига айланди. Яккалик баҳсларида “Катта дубулға” туркумига кирувчи турнирлардаги ғалабалар сони бўйича Жокович америкалик Серена Уилямсга етиб олди. Рекорд австралиялик Маргарет Кортга тегишли, у 24 та совринга эга. Бироқ, уларнинг 13 таси профессионал ва ҳаваскор турнирлар ўртасидаги чегарани йўққа чиқарган Очиқ давргача бўлган вақтда қўлга киритилган.
Жокович эркаклар ўртасида "Ролан Гаррос"нинг энг ёши катта чемпиони (36 ёш, 20 кун) ва тарихда "Катта Дубулға" турнирларининг ҳар бирида камида уч марта ғалаба қозонган биринчи спортчига айланди.
“Замин” янгиликларини “Twitter”да кузатиб боринг
