Ўзбекистон кубоги. "Динамо" сенсацион тарзда "Пахтакор"ни мағлуб этиб, чорак финалга йўл олди
Ўзбекистон кубоги 1/8 финал босқичидан ўрин олган "Динамо" - "Пахтакор" ўйини бўлиб ўтди. Учрашув 3:2 ҳисобида самарқандликларнинг ғалабаси билан якунланди.
Дастлаб, "Динамо" вакили Францис Нарх 5-дақиқада жарима майдони чизиғи устида тўпни қабул қилиб, ажойиб зарбаси билан ҳисобни очди. Орадан етти дақиқа ўтиб Абубакр Мўйдинов узоқ масофадан супер зарба йўллаб, орадаги фарқни иккитага ошириб қўйди. 28-дақиқада эса Жоэль Кожо бирга-бир вазиятни гол билан якунлаб, ҳисобни 3:0 кўринишаг олиб келди. Биринчи бўлим шу тариқа якунланди.
Иккинчи бўлим бошидаёқ "шерлар" устози Максим Шацских майдонга Драган Черан, Достон Ҳамдамов, Азиз Турғунбоев ва Ҳожиакбар Алижоновларни туширди. 59 дақиқада Черан гол уриб орадаги фарқни қичқартирган бўлса, 82-дақиқада яна бир бор "Динамо" дарвозасини ишғол қилди.
Шу тариқа, Вадим Абрамов шогирдлари Ўзбекистон кубогининг чорак финалга йўл олди. "Пахтакор" эса юришини мана шу босқичда якунлади.
ДИНАМО — ПАХТАКОР 3:2
Гол: Францис Нарх 5, 1:0, Абубакр Мўйдинов 13, 2:0, Жоэль Кожо, 28 3:0, Драган Черан 63, Драган Черан 81, 3:2
"Динамо": 25. Равшанбек Ягудин, 7. Францис Нарх, 10. Жоэль Кожо, 11. Юдаи Коике, 15. Деррик Менса, 17. Салим Мустафоев, 18. Дилшод Раҳматуллаев, 22. Мирғиёс Сулаймонов, 30. Абубакр Мўйдинов, 44. Душан Мийич, 70. Хуршидбек Убайдуллаев.
"Пахтакор": 35. Санжар Қувватов, 77. Дилшод Саитов, 30. Метью Стинворден, 4. Достон Турсунов, 34. Фарруҳ Сайфиев, 7. Одил Ҳамробеков, 27. Сардор Собирхўжаев, 20. Хожимат Эркинов (8. Азиз Турғунбоев, 45) 28. Диёр Ҳолматов, 9. Миҳаил Кухарчик, 19. Пшемислав Банашак.
Захира: 36. Павел Павлюченко, 2. Беҳрузбек Асқаров, 3. Хожиакбар Алижонов, 8. Азиз Турғунбоев, 10. Драган Черан, 11. Пўлатхўжа Холдорхонов, 17. Достон Ҳамдамов, 55. Муҳаммадрасул Абдумажидов, 88. Шаҳзод Азмиддинов.
Огоҳлантириш: Мирғиёс Сулаймонов ("Динамо") 23, Одил Ҳамробеков ("Пахтакор") 45
