219
Ўзбекистон Суперлигаси 11-турдан қолдирилган "Насаф" - "Пахтакор" баҳси якунланди. Унда томонлар 0:0 ҳисобида дуранг ўйнади.
Ўйиндан сўнг ташкил этилган матбуот анжуманида "Пахтакор" ёрдамчи мураббийи Камолиддин Тожиев ўз фикрлари билан ўртоқлашди.
"Бир неча кун ичида кучли жамоалар билан ўйин ўтказдик. Тенг ўйин бўлди, деб ўйлайман. Охирги дақиқаларда ғалабани илиб кетишимиз ҳам мумкин эди. Аммо омад биздан юз ўгирди.
11-тур пайтида ўйин қолдирганимиз боиси кўп йигитлар терма жамоа таркибида эди. Ёшларимиз муҳим ўйинларда иштирок этишди. Шу сабаб, баҳсни қолдиришга тўғри келганди.
"Насаф" ҳам кучли жамоа. Уларда тезкор йигитлар етарли. Барибир ҳар бир жамоа гол ўтказиб юборишдан қўрқади. "Аждарлар" ҳам шу каби жамоалар сирасига киради.
Азмиддиновнинг жароҳати у қадар жиддий эмас. У кейинги ўйинларда жамоамизга ёрдам бера олади, деб ўйлайман. Шаҳзод оёқ пайларини чўзиб олган, холос. Ҳар ҳолда, бизга шундай кўринди", - деди мутахассис ўйиндан сўнг.
«Замин»ни Telegram’да ўқинг!
01:58, 13-04-2025
