Фаластинни қўллаб-қувватлаган футболчи жазога тортилди

Франциянинг «Ницца» футбол клуби ва Жазоир миллий терма жамоаси ҳимоячиси Юсуф Атал Фаластинни қўллаб-қувватловчи видео чоп этгани учун жазоланди. Бу ҳақда «Ницца» сайтида хабар берилди.

Футболчи бир муддат клуб билан машғулотлардан четлаштирилди. «Ницца» Аталнинг узр сўрашини инобатга олганликларини, бироқ мамлакат спорт ва адлия органлари буни амалга оширишдан олдин унга нисбатан интизомий чоралар кўришга қарор қилганликларини таъкидлади.

15 октябр куни Атал видеони жойлаштиргани учун узр сўради ва уни ўчириб ташлади.