Превью. Ҳасанбой Дўстматов - Сидней-2000 ўйинларидан бери финалда жанг қиладиган илк ўзбекистонлик боксчи

  • Спорт
  • 14-08-2016, 17:59
  • 1 622
  • Превью. Ҳасанбой Дўстматов - Сидней-2000 ўйинларидан бери финалда жанг қиладиган илк ўзбекистонлик боксчи

    Рио-2016 доирасида 49 килограммгача бўлган боксчилар ўртасидаги турнир финалига йўл олган ўзбекистонлик боксчи Ҳасанбой Дўстматов бугун Тошкент вақти билан соат 22:15да колумбиялик Юберхен Мартинез Ривасга қарши рингга кўтарилади.

    Дўстматов 2000 йилги Сидней Олимпиадаси чемпиони Муҳаммадқодир Абдуллаевдан кейин Олимпиада ўйинларининг финал босқичига чиққан ўзбекистонлик биринчи боксчи бўлди.
    Дўстматов Олимпиададаги илк жангини мексикалик Хоселито Веласкесга қарши ўтказиб, 3:0 ҳисобида ғалаба қозонганди.

    У 1/8 финалда мексикалик Хоселито Веласкесни, 1/4 финалда қозоғистонлик Биржан Жакиповни ҳам 3:0 ҳисобларида енгди.

    Дўстматовнинг 1/2 финалдаги рақиби америкалик Фернандес Нико Анхель бўлди ва бу жанг ҳам "ўзбек Пакьяоси"нинг тўла устунлиги остида ўтиб, у финалга чиқди.

    Колумбиялик спортчи иштирокини 1/16 финалда бошлаганди. У аввалига бразилиялик Патрик Лоуренсони турнирдан чиқариб юборди. 1/8 финалда эса филиппинлик Рожен Ладон устидан ҳам 3:0 ҳисобида зафар қучди.

    1/8 финалда Мартинес Ривас испаниялик боксчи Самуэл Камрона Эредияни 2:1 ҳисобида мағлуб этган бўлса, 1/2 финалда кубалик Хоанис Архилагосни шу ҳисоб билан енгди.

    Манба: Кун.уз